影片
更多
2013-12-28
3763 浏览
已有一段时间冇写食评喇，但食完呢餐之后好耿耿于怀，实在意难平，即晚写食评...公司系鲗鱼涌，想揾间好些少嘅铁板焼或日本餐厅冇乜选择，铜锣湾又太远。其实早已从一些著名博客食评中听过莫师傅的大名，所以最后决定去试系大坑嘅 "铁板烧·铸"同行两个同事其中一位其实之前试过，当时嘅评语系中上，唔错嘅。订咗一点三位，一开门已经系铁板焼台，地方有啲细但装修唔错。但因为冇帘风之类嘅buffer zone，所以整个入门口，同服务员攞位，闩门，除褛，坐低嘅过程，都系系最近门口𠮶几位食客背后完成，无可避免地做成滋扰，大家都有啲唔太自在眼望望咁。主厅嘅铁板焼台分两边，左边系莫师傅而右边系郑师傅。依我哋嘅位置睇应该系郑师傅Serve喇。之前系饮食杂志同FB都有睇过关于佢嘅Article，主要内容系话唔好只留意佢外表，手势好好架云云。Menu上两个较平嘅Lunct Set都只有牛肉而冇海鲜，所以最后Order咗三个厨师精选午餐，$320有银鳕鱼，有虾同牛肉。睇落略贵，但如果好食冇所谓。先上前菜沙律，用杯上颇特别，用料新鲜，底下系面豉酱。呢个时侯有一班人Walk in，四个冇订位都可以安排到。可能我谂得太远...年
实在意难平，即晚写食评...
公司系鲗鱼涌，想揾间好些少嘅铁板焼或日本餐厅冇乜选择，铜锣湾又太远。
其实早已从一些著名博客食评中听过莫师傅的大名，所以最后决定去试系大坑嘅 "铁板烧·铸"
同行两个同事其中一位其实之前试过，当时嘅评语系中上，唔错嘅。
订咗一点三位，一开门已经系铁板焼台，地方有啲细但装修唔错。
但因为冇帘风之类嘅buffer zone，所以整个入门口，同服务员攞位，闩门，除褛，坐低嘅过程，
都系系最近门口𠮶几位食客背后完成，无可避免地做成滋扰，大家都有啲唔太自在眼望望咁。
主厅嘅铁板焼台分两边，左边系莫师傅而右边系郑师傅。
依我哋嘅位置睇应该系郑师傅Serve喇。
之前系饮食杂志同FB都有睇过关于佢嘅Article，主要内容系话唔好只留意佢外表，手势好好架云云。
Menu上两个较平嘅Lunct Set都只有牛肉而冇海鲜，所以最后Order咗三个厨师精选午餐，$320有银鳕鱼，有虾同牛肉。睇落略贵，但如果好食冇所谓。
先上前菜沙律，用杯上颇特别，用料新鲜，底下系面豉酱。呢个时侯有一班人Walk in，四个冇订位都可以安排到。
可能我谂得太远...年尾最后一个星期五嘅Lunch都咁易有位
某程度会唔会系一个启示呢?
另外，呢斑人入咗嚟之后冇闩门，Waitress唯有带完位之后匆匆去闩。
但已感受到外面嘅冷风，场地温度控制同带位程序明显并不协调。
食紧沙律嘅时侯，郑师傅仲系Serve紧右边嘅一个家庭，准备紧银鳕鱼同牛肉薄烧。
我估佢可能要serve完佢哋先到我哋啦，今日唔赶时间冇所谓。
于是我与同事如常倾计地等。
但忽然郑师傅将三份银鳕鱼放系我哋面前，原来系我哋嘅...
我仲以为食铁板焼，师傅同人客咁近会有好些少嘅沟通。
系毫无任何沟通及眼神接触下我实在估唔到佢系帮紧我准备食物。
亦因为咁所以我无留意到佢点煮...
我估系白酒汁煎煮银鳕鱼，系滩万食过同样嘅煮法。但相中所见嚿鱼系碎开咗几片嘅，颇难以接受。
正常好食但个人较喜欢简单啲冇汁只用盐，胡椒及柠檬牛油调味嘅食法。
之后上铁板大虾，虾系预早剥咗壳而唔系系铁板台上剥，较为少见。虾亦比较我系其他铁板焼餐厅食过嘅细些少。
虾煎至约七成熟，我明白虾全熟会老但现时感觉系生熟程度OK但表面唔够热。
调味较淡，话说回来，台面有两种汁但师傅或Waitress都冇讲解过系用嚟点乜。
两种都唔系见惯嘅海鲜酱所以最后乜都冇点。
虾头有膏，唔错，再煎耐啲煎香啲会再好啲。共中一位同事唔食虾，落单时向服务员询问可唔可转其他嘢。
服务员之后有礼地回覆话可以转带子。
好吸引...搅到我心大心细都想转
好在冇转...现场所见只带子系几细只吓，亦冇连壳上。
同事嘅评语系"嘛嘛地，火侯OK，冇乜味"
薄烧牛肉，师傅首先系我地只碟上放咗啲幼嘅粉红色岩盐，话系用嚟做薄烧嘅调味。之后问我哋"生D都Okay?" 我哋示意Okay
第一件我冇点盐，师傅手势同火侯唔错，牛肉约五六成熟
但冇乜肉味，有些少淡，不过通常薄烧牛肉都系咁...
所以之后嘅都有点岩盐，但建议可考虑用较粗粒嘅岩盐，因为太幼嘅盐点嘅时侯好难控制。
炒饭，够干身够味但其实冇乜特别，比较下雪舟，和三昧都做得较好
最后系甜品或咖啡或茶之中拣一
唔知点解好多时铁板焼餐厅D咖啡都有惊喜，所以我拣热咖啡。
热咖啡几香唔错但太大杯，太大杯其实冇罪最多饮唔哂，
可能我吹毛求疵但个人认为冇咗种精致嘅感觉。
相对下花杯𠮶杯微型嘅热咖啡配热咖啡奶依然记忆犹新。
食完整个Lunch嘅感觉系...面目模糊，亳无亮点，用料中庸。
我不能自控地边食边谂 "呢度梗系好贵租喇..."
因为"性价比"实在低。
我又再谂，可能莫师傅serve会唔同，可能晚餐会好D
但我估我唔会俾机会自己Find Out喇!
张贴
