Paper Moon

营业中

休息中

难得最近疫情放缓，同男朋友仔出嚟叹吓下午茶，预先已经预订咗人气唔错嘅Paper Moon下午茶，点知唯一可取嘅只系海景，食物完全令人失望。之前听朋友讲，同埋好多YouTuber介绍都话呢度嘅下午茶性价比好高。又话有龙虾尾同埋生蚝。可惜今日嚟到食下午茶，龙虾尾已经变咗蟹脚，生蚝变咗几只虾。首先蟹脚好瘦，冇乜肉，好彩尚算新鲜。𠮶几只虾，完全冇味，就好似快餐店嘅到会咁。唔知点解两杯奶冻又会同啲虾摆埋一齐。相信呢间餐厅知道自己咁样偷工减料，惊客人唔够饱，于是乎提供大量淀粉质。啲包好大件但系啲馅超级少。可能塔塔子见识少啦，食开嘅都系英式下午茶，莫非意大利式下午茶就系咁样？听闻意大利嘅甜品出名好食，可惜呢个下午茶嘅甜品简直系不值一提。苹果批个皮系林嘅，仲有件好恐怖嘅粉红色棉花糖，其他糕点真系难食过X心西饼。macaron 味道正常，因为相信都系买返嚟嘅。Cocktail有啲似李斯X林…应该留返万圣节推出。唯一可取嘅只系餐厅有维港景色， 590几蚊嘅价钱相信有$500就系比维港嘅。下午茶都整到咁，相信都唔使黎试佢嘅正餐。