雪ノ下 (已結業)

一早见过有介绍呢间位于希云街既pancake餐厅，今日终于经过，下午5时，又有位就入去试下！餐厅只有十多个坐位，地方系有啲细既。先点餐付款，方可选择坐位。有啲肚饿，2个人叫左份原味pancake同埋鸡肉三明治。一块68蚊既pancake，等左15分钟就黎喇！切开个样成块蛋糕咁，食落口感都系蛋糕😂，蛋味都香浓既，牛油搽匀左系食唔出佢系咩宫崎县高千穗发酵牛油😂佢话跟pancake既蜜糖系爱媛县小池养蜂园蜜柑蜂蜜，其实我只系食到普通蜜糖味...唔差既。呢份三文治等左差唔多半个钟，黎到个样咁系有啲失望既。食落系....普通既，只系将芥末薯仔沙律，鸡肉，煎鸡蛋放埋一齐。味道普通，成件事都有啲普通，劲饱，后悔冇拣厚鸡蛋三文治。试过咪好啰，唔会再挂住佢。