影片
更多
2013-07-08
91 浏览
好彩星期六下昼食o野唔驶等位。先点公司三文治 (本身系英文名)，香蕉朱古力pancake。另两位朋友同BB到左，点一份冲绳xxx 饭(唔记得名)、汉堡扒饭，同埋一份肉桂苹果pancake。等好耐，终于有得食。三文治好多馅料，食o既时候唔好拎走胶签，要围边食，否则散哂，跌馅。冻柠茶无茶味，好淡，似饮柠水。Cappuccino 不过不失。冻乌龙茶有半杯冰，又系好淡无茶味。蜜瓜梳打被形容为药水沟玉泉忌廉味。朋友力推Pancake，确实好味。之前侍应话牛油味重，怕两个人share 一份pancake 太多，我地觉得份量刚好。Pancake 上o既忌廉同雪糕球(另上，加8蚊) 融得好快，要趁快食。另外两个饭等比较耐，朋友话味道一般。我第一次食，服务无其他食家讲到咁好。我地坐店外走郎，最远离群众，每次揾侍应(例如：落order、拎餐具)，都系举手举好耐无人见到，忍唔住要自己行出去(通常坐偏远地区都有呢个情况，我明)四个大人，餐具盒只系有三只叉两把刀。最初我们表示唔够餐具，侍应小姐 “哦”一声，隔左一阵，无回头，我地自己出去拎多个餐具盒。到另一位拎碟饭过黎，原来餐具盒无匙，请待应拎两只匙，又系 “哦
先点公司三文治 (本身系英文名)，香蕉朱古力pancake。另两位朋友同BB到左，点一份冲绳xxx 饭(唔记得名)、汉堡扒饭，同埋一份肉桂苹果pancake。
等好耐，终于有得食。三文治好多馅料，食o既时候唔好拎走胶签，要围边食，否则散哂，跌馅。
冻柠茶无茶味，好淡，似饮柠水。Cappuccino 不过不失。冻乌龙茶有半杯冰，又系好淡无茶味。蜜瓜梳打被形容为药水沟玉泉忌廉味。
朋友力推Pancake，确实好味。之前侍应话牛油味重，怕两个人share 一份pancake 太多，我地觉得份量刚好。Pancake 上o既忌廉同雪糕球(另上，加8蚊) 融得好快，要趁快食。另外两个饭等比较耐，朋友话味道一般。
我第一次食，服务无其他食家讲到咁好。我地坐店外走郎，最远离群众，每次揾侍应(例如：落order、拎餐具)，都系举手举好耐无人见到，忍唔住要自己行出去(通常坐偏远地区都有呢个情况，我明)
四个大人，餐具盒只系有三只叉两把刀。最初我们表示唔够餐具，侍应小姐 “哦”一声，隔左一阵，无回头，我地自己出去拎多个餐具盒。到另一位拎碟饭过黎，原来餐具盒无匙，请待应拎两只匙，又系 “哦”一声，无回头。(好....再出去拎)
枱面有好多杯碟，一直无人收(本身食物碟再另加每人白色小碟一只)，为免小孩乱搞佢面前d 野，我地想搬其中两只大碟过隔离张吉枱。侍应小姐帮走廊中间枱客埋单时，见我地咁做，佢远距离喝止我朋友，面露不悦(黑面)话：小姐，你咁样我会俾经理闹架。呆左。如果有侍应收过杯碟，我地唔驶咁做啊~
坐左两个钟，感觉无侍应愿意顾及走廊呢几枱客。其他枱都一样情况，要自己走出去揾侍应。走o个阵见到有客人放几蚊贴士落个盘(就系走廊中间𠮶枱)，走左几耐都无人拎走。原来连钱都唔理~
总括：食物ok ，就算再o黎，都只会坐店内，因为无经理无服务。
张贴
