L'attitude (已結業)

唔知系咪贵人出门招风雨，上两个星期谂住嚟食点知打风，今次又系滂沱大雨。嚟之前已经做定功课，知道要嗌咩食。除左意粉，当然系宜家最hit最cute嘅panda attack 熊猫绵花糖软雪糕同相当吸睛嘅星空系列饮品啦！黑松露牛肝菌扁意粉$128同温泉蛋卡邦尼意粉$78，两款都好creamy，好多配料，唔知系咪厨房师傅重手咗，两款味道都偏咸，要捞左只温泉蛋同饮嘢中和下。我叫嘅呢杯系星空系列嘅杜拜$38，由蓝蝶花同韩国蜂蜜制成，成个发光嘅造型好有心思，定眼注视这梦幻星空，很治愈啊！蓝蝶花味道带点酸，搞拌一下沉在底部的蜜糖，就如在星空划上一道光，划破天际翔空。因蜜糖置于冰水里，会较难融化。最后嘅甜品主角终于出场啦！熊猫绵花糖软雪糕-特浓牛奶味$58，造型超可爱，按耐不住疯狂与它拍照。软滑牛奶味雪糕与oreo饼碎一起入口，有如cookies and cream 的感觉。