影片
更多
2021-12-26
2491 浏览
临近圣诞，朋友约去赤柱感受下气氛，咁啱撞正免费乘车日，喺巴士站见到打晒蛇饼已经深知不妙。我地近11:30到达呢间人气cafe，排室外第三组，上楼梯入舖后要再排，前后等左超过一个钟，临走望一望，队尾已经企出间舖嘅范围，奉劝周末一系早啲一系5点黎食下午茶。舖位已成为赤柱其中一个打卡点，奶油黄墙身、蓝色窗门、粉白帐篷加埋店前嘅灌木好有欧陆风情，舖内就以淡粉红色为主调。各款面包、酥饼同蛋糕放晒出黎，可以睇清楚个样先叫，但落单要返埋位落。抱住未必会再排第二次嘅心态，我地叫到成枱都系，所以呢篇会特别详尽，顺带一提，店员服务态度友善。(w/ 10% service charge)🍽Hazelnuts Choux ($48)本身想食 mascarpone cheesecake，但我地入座时已经无晒细件版，改叫呢个泡芙又几好食，外壳香脆，榛子忌廉油滑挺身，面头洒上榛子粒，口味偏甜就一定架啦，但整体唔错。🍽Focaccia Publiese ($58)睇佢外型以为系pizza，其实系意大利香草包，厚得黎好松软，翻热后个边好脆，蕃茄多汁偏酸，留意呢款包落大量橄榄油，未必个个钟意，我同朋友觉得芝士朕味无问题，
42 浏览
0 赞好
0 留言
🍽Hazelnuts Choux ($48)
本身想食 mascarpone cheesecake，但我地入座时已经无晒细件版，改叫呢个泡芙又几好食，外壳香脆，榛子忌廉油滑挺身，面头洒上榛子粒，口味偏甜就一定架啦，但整体唔错。
Hazelnuts Choux
$48
36 浏览
0 赞好
0 留言
睇佢外型以为系pizza，其实系意大利香草包，厚得黎好松软，翻热后个边好脆，蕃茄多汁偏酸，留意呢款包落大量橄榄油，未必个个钟意，我同朋友觉得芝士朕味无问题，屋企人就话有胶味，口味呢家嘢真系好个人。
🍽Chocolate Bomboloni ($42)食过唔少外国口味嘅冬甩，知道质感偏面包多啲，呢款都唔例外，腍身但好在唔太油腻，面头有朱古力coating同脆脆，馅料系黑朱古力吉士所以唔太甜，适合港人口味，我觉得中上水准，朋友就话好好食。
Chocolate Bomboloni
$42
44 浏览
1 赞好
0 留言
牛角包几酥脆，影左一轮相都唔会一切就塌，炒蛋上有黑松露片，份量足以令每啖都有松露香，炒蛋唔算好嫩但都唔实净。隔离枱个蛋摆得靓啲而且用黑碟装，我地呢个卖相就麻麻，但味道唔错。
Truffle Croissant
$128
61 浏览
1 赞好
0 留言
非常足料嘅汉堡包，搽左牛油烘脆嘅杂粮包夹住厚厚嘅汉堡扒、炒香嘅大啡菇、焦甜洋葱同热融羊奶芝士，可能因为我地叫左medium well，汉堡扒虽然带粉红色但干左啲，幼薯条香脆高质。
Pane e Latte Burger
$158
53 浏览
1 赞好
0 留言
🍽Signature Croissant Bomboloni ($42) 牛角冬甩嘅外型好似千层酥咁一圈圈，翻热后酥脆有层次，馅料系橙味吉士，味道少许人工，但个酥几出色，都可一试。
Signature Croissant Bomboloni
$42
64 浏览
1 赞好
0 留言
🍽Croissant Chocolate Gianduja ($42)
本身唔打算买呢款，因为之前食过la V___ 类似嘅款式甜到傻，见到佢地造型相约真系惊惊地，不过店员出尽力推介就试下。牛角包好脆身，放左一日亦无腍，但无GC𠮶种外脆内软嘅质感，馅料几特别有salty caramel同榛子朱古力，食落似融左嘅金莎，比我预期好食！
Croissant Chocolate Gianduja
$42
69 浏览
1 赞好
0 留言
大牌子嘅味道，唔算甜，朱古力粉落得慷慨，呢个价钱唔可以期望太多，朋友觉得唔错。
Hot Chocolate
$32
35 浏览
0 赞好
0 留言
我无试，朋友话正常发挥。
Caramel Latte
$48
48 浏览
0 赞好
0 留言
明明睇过有foodie话咖啡好唔掂，但我一时唔记得叫左，结果同佢嘅结论一样，无拉花都唔紧要，用dark roasted 豆但整得唔好饮，似三合一嘅味道，苦苦地甜甜地嘅奶咁，相都费事影。
如果两个人去我会建议试较有特色嘅Hazelnuts Choux同Signature Croissant Bomboloni，Truffle Croissant 好食但唔会话好特别，可以挑战下大件夹抵食嘅Focaccia Publiese朕香草味啱唔啱自己。上面咁多款都唔伏，即管试下～至于饮品......当解渴用就好。
餐牌：
张贴
