影片
更多
2022-02-23
78 浏览
星期日喺朋友位于观塘嘅工作室做嘢，时间都唔早，就打开外卖App揾吓有乜好食。我哋见到有间叫「Papa」嘅餐厅好似唔错，菜式几吸引，于是就再上网揾吓官方IG📲，发现自取有85折，所以即刻落楼行两步过去。小店座落于工厦内，但并非已转型嘅骆驼漆𠮶种，如果唔靠外卖平台真系未必会知道有佢嘅存在。呢度主打外卖🥡，不设堂食，即使系咁，店员们(老板娘?)嘅服务仍然非常贴心，真诚友善对待客人。餐厅提供各式各样嘅西餐菜式🍽，价钱唔算平，不过质素确系可媲美正式餐馆。后尾睇返传单先知原来佢之前喺石门开过舖，怪唔知得外卖食物都做到色香味俱全，一啲都唔失礼👍。香煎榖饲猪鞍扒配薯菜($188)，猪鞍扒好好味🐷，最抵赞嘅地方系够厚切，足足有成吋！猪扒煎得啱啱好，生熟度控制得宜，肉质唔嚡，食落富有满足感。🥔底部垫咗唔少蔬菜，例如有薯仔、翠玉瓜同红萝卜等，食埋就饱晒。题外话，午餐同晚餐都有卖猪扒，但价钱就相差成倍🙈，唔知份量系咪一样。如果系的话，下次就留返晏昼先食。黑松露北海道带子手工意粉($118)，手工意粉果然与别不同😛，佢形状类似扭纹粉，口感非常有嚼劲，好得意。调味方面，黑松露味唔强，但就有好多杂菌🍄，而且几重蒜香
小店座落于工厦内，但并非已转型嘅骆驼漆𠮶种，如果唔靠外卖平台真系未必会知道有佢嘅存在。呢度主打外卖🥡，不设堂食，即使系咁，店员们(老板娘?)嘅服务仍然非常贴心，真诚友善对待客人。
餐厅提供各式各样嘅西餐菜式🍽，价钱唔算平，不过质素确系可媲美正式餐馆。后尾睇返传单先知原来佢之前喺石门开过舖，怪唔知得外卖食物都做到色香味俱全，一啲都唔失礼👍。
香煎榖饲猪鞍扒配薯菜
$188
9 浏览
0 赞好
0 留言
黑松露北海道带子手工意粉
$118
10 浏览
0 赞好
0 留言
比目鱼蝶豆花意大利饭
$88
13 浏览
0 赞好
0 留言
忌廉明太子虾球扁意粉($98)，呢款系午餐菜式，但老板娘见我哋想食话都可以照整。🍝扁意粉质感弹牙，面条高度挂汁；明太子酱嘅忌廉成份较重，所以咸香唔算好出，个人认为重口味啲更佳。🍤虾球有好多只，每只都好爽弹。
是日餐汤系意大利杂菜汤，每日款式唔同。杂菜汤用上大量红色蔬菜熬煮，🍅蕃茄味浓郁，酸酸的，好开胃。
PAPA冰茶
$20
5 浏览
0 赞好
0 留言
蓝莓芝士蛋糕($28)，老板娘话见我哋买咗几个餐，所以请食甜品😍，超级好客，物轻情义重，小小嘅举动足以让人窝心。芝士蛋糕口感结实，唔会太漏，但略嫌唔够甜，淡咗啲；不过蓝莓酱布满顶层搭救🫐。
总括嚟讲，Papa外卖店好掂啊💯，每个细节位都令人感受到店家用心经营，值得大家多多支持💪。佢除咗做普通外卖，亦有做到会，如果公司派对食饭或一班人聚会(限聚令解除后)，我高度推介呢度啊。最后，餐厅仲系良心小店嚟㗎💛。
张贴
