Spark Bar & Restaurant (已結業)

都有一段时间无去过兰桂坊，今日朋友约咗我食dinner，话去兰桂坊食，睇完餐厅位置，都预咗要运动一下架啦。其实又唔系真系要行好耐，只不过系要上一段山路，喺艺穗会附近。睇过menu之后点咗几款，而较为特色嘅食物有Pappardelle，Baked Bone Marrow。Pappardelle应该系餐厅自家制嘅意大利面，阔条面烟靭好有口感，酱汁唔会太稀，可以紧紧咁挂喺D面度，又浓又香，好好味。Baked Bone Marrow焗得啱啱好，唔会好干，油油嘅质感，加上甜酸味道，配上薄脆面包一齐食，好开胃。讲返餐厅环境装饰得好时尚，灯光较为暗，用餐会格外有情调。成个environment系好有feel，真系可以坐成晚。