Fastcasa (已結業)

成日黎上水都留意唔到唔呢间fastcasa，原来佢系日头做cafe，夜晚系bar嘅经营模式，难怪有时会错过咗。见佢环境都阔落，一于试试佢。可能因为啲人都以为呢度系bar，所以晏昼四点左右冇咩人。嘢食嘅选择唔多，主要分为热狗同意粉类，我同朋友就拣咗沙嗲牛肉意粉同肉酱意粉，加咗炸薯条同鸡翼。嘢饮就只提供汽水。因为晏昼人流唔多，只有一位员工，要逐样制作，首先上枱嘅就系肉酱意粉，肉粒比较少，调味适中，味道唔错。沙嗲牛肉意粉，平生第一次食呢个配搭，又几特别，味道上有啲惊喜，比肉酱意粉更好食，如果沙嗲牛肉嘅份量可以多啲就更好了。炸薯条同秘制鸡翼，两样食得出热辣辣新鲜炸起，所以味道都几好味，鸡翼嘅调味好丰富，食得出有香草。