Fastcasa (已結業)

星期六既早上落街揾食，行過Bar Pacific門口見到貼住啲熱狗餐既poster，頭幾秒仲以為自己眼花🤣原來佢一店兩用，夜晚本身係酒吧，日頭就搖身一變做輕食cafe～應該暫時無乜人知，所以可以任揀位，座位又新淨又闊落，同舊式Bar pacific既風格好唔同，如果唔係有張beerpong table係隔離，基本上就係一間靚靚仔仔既cafe，空間感係同區小店比唔上既～Menu主要係hotdog, 另外staff仲介紹左off menu item- 沙嗲牛肉意粉🍝因為炒意粉，唔會好似茶記咁咁多醬，比較乾身少少，每條意粉都沾到啲沙嗲味，牛肉都好淋易咬，沙嗲甜甜地，唔錯～芝士肉醬熱狗好足料，又開胃，麵包有輕輕烘過，夠香脆跟餐既薯條必須要一讚！炸得好香脆，調味又夠👍🏻👍🏻始終疫情對酒吧影響都好大，做埋cafe都係一條出路～

餐廳採用黑玻璃設計，外面睇落去有啲暗，配合佢夜晚係酒吧設定，日頭就係普通餐廳，有啲快餐同輕食俾大家選擇，價錢都幾親民，而且所有食物即叫即做，上枱嘅時候都熱辣辣嘅(⁎⁍̴̛ᴗ⁍̴̛⁎)我哋叫咗兩個餐，分別係松露芝士熱狗同埋秘製雞翼配薯條，跟餐再加咗雞翼同薯條。秘製雞翼可以揀柚子醬或者黑松露醬，我哋揀咗柚子醬，味道有啲似韓式嘅柚子蜜，醬會另上，可以倒落去或者點雞翼，夾埋啱啱炸好嘅雞翼食，別有一番風味。熱狗包有焗爐翻熱，入面嘅煮一條好粗嘅香腸，上面有滿滿嘅松露醬，再鋪滿芝士，一上枱已經香噴噴，咬落去更加唔洗講，松露味同芝士味都好出，好味道！薯條係粗薯條，外面脆卜卜，入面仲會有軟心，炸得剛剛好！松露芝士熱狗 秘製雞翼配薯條跟餐雞翼跟餐薯條芬達 & 忌廉

上水bar pacific 既清晨☀️就系一間cafe ☕️因為佢原身係間酒吧，所以舖內的位置都比較闊落，好適合幾個三五知己一齊嚟閑聊！可能大家都以為佢淨係一間酒吧，所以唔係太多人。但係如果想無聊搵個地方傾偈，都可以。佢主打唔係Cafe，所以食物選擇有限松露芝士熱狗（$42）芝士同松露醬都好足料❣️麵包岩岩焗起，夠香脆。簡單，但唔馬虎。肉醬意粉新鮮熱辣辣即整，分量唔算話太多，適合下午茶。秘製雞翼配薯條（$52）都係新鮮即炸，我哋揀咗柚子蜜比較開胃，佢有雞鎚同雞翼，一次過滿足晒🥰食呢啲一定要配返幾罐汽水 如果下午冇嘢做又黎上水，都可以喺呢度chill下，當然比唔上其他Cafe，因為佢始終都係做酒吧，但係大家都可以支持下，始終酒吧喺疫情期間嘅生意都比較淡～想簡簡單單，無止境吹吓水都可以而我都相信夜晚酒吧提供嘅小食都唔差，呢啲嘢食送酒一流👍🏻👍🏻

經過見到窗貼上熱狗嘅相片，賣相都非常吸引，所以立即入去一探究竟😊內在環境非常寬敞，乾淨企理，坐落先知原來佢夜晚係經營酒吧～日間先係餐廳😙價錢非常相宜，$24起跳，款款都非常吸引，最終選擇了一款熱狗餐及雞翼餐😊只有汽水選擇,但係非常貼心地喺炎熱嘅夏天自動送上冰底😍加分！秘製雞翼薯條餐～有柚子醬及松露蛋黃醬選擇，而我選擇咗後者，由於係即炸嘅關係，都等咗一段小時間，但上菜品嚐後，就覺得等得非常值得，雞翼、雞鎚均非常入味，炸到脆卜卜、熱辣辣 👍🏻松露芝士熱狗～滿滿嘅醬汁已經非常吸睛，熱狗腸更加係帶有脆皮，多重口感，令人非常滿足。薯條～附上包裝茄汁,感覺非常衛生,用上帶皮嘅薯條，別有一番口感，非常香脆👍🏻不得不讚嘅係佢哋嘅餐具都係一次性，喺疫情期間，令到食客非常放心👏🏻

之前都有去呢間Bar Pacific，今次經過發現佢朝早都有開，原來佢而家日頭會做埋cafe。呢間Fastcasa係Bar Pacific嘅副線，相信係因為疫情關係而變陣出嚟嘅。餐廳日頭係賣輕食，夜晚就做返酒吧。因為餐廳較新嘅關係，我哋揀左熱狗同意粉試吓。熱狗叫左芝士肉醬熱狗、五香肉丁熱狗，份量下午茶嚟講幾夠。芝士肉醬香濃，連埋熱狗腸食好豐富。五香肉丁口味嘅熱狗第一次食，但原來都唔突兀，肉片都幾多，麵包有烘過，有微微脆口。意粉就叫左一款，沙嗲牛肉意粉，似港式茶餐廳嘅味道，意粉索晒啲汁幾惹味。加配薯條同嘢飲（$12），薯條就係普通油炸，都幾脆口。下午茶餐chill下，三十幾蚊都ok，可以試吓。

今日係上水藥房買完野就去食個tea附近就係呢間鋪頭，今日想食d輕食，見到舖頭有熱狗同埋雞翼，就入去食吓！佢空間都幾闊落，枱與枱之間都分得幾開，同埋係坐梳化凳，而且環境都幾有氣氛，如果夜晚同朋友黎飲野一定好有feel～沙爹牛肉熱狗呢個熱狗融合咗西式嘅熱狗再加埋港式嘅沙嗲牛肉，估唔到係出乎意料地夾！佢個沙嗲味好濃，啲醬Jim滿d牛肉，而且牛肉都好大塊，真係好似喺茶餐廳食緊沙嗲牛肉通粉嘅感覺，同埋腸仔同牛肉兩款肉食落去都冇違和感！然後我加咗個小食，職員好Nice俾咗柚子醬我點，佢雞翼皮炸得好脆而且熱辣辣！然後點埋個有柚子醬有酸甜嘅感覺好開胃最後食咗咁多熱氣嘢梗係嘆番杯汽水啦！

F . A . S . T . C . A . S . A .上水新發街15-19號地下2號舖—————————————————————上水新發街 就喺Bar Pacific裏面上水一帶原農田於1980年代起發展為現代化新市鎮區內住宅和商業區以石湖墟 上水鐵路站一帶的市中心發展——是上水人口最密集的地區酒吧同Cafe嘅crossover 有酒吧feel 又有Cafe嘅影子營業時間上晝 0900至晏晝1600幾塊落地大玻璃 日光照入去感覺還好沙嗲牛肉炒意粉薯條 雞翼

成日黎上水都留意唔到唔呢間fastcasa，原來佢係日頭做cafe，夜晚係bar嘅經營模式，難怪有時會錯過咗。見佢環境都闊落，一於試試佢。可能因為啲人都以為呢度係bar，所以晏晝四點左右冇咩人。嘢食嘅選擇唔多，主要分為熱狗同意粉類，我同朋友就揀咗沙嗲牛肉意粉同肉醬意粉，加咗炸薯條同雞翼。嘢飲就只提供汽水。因為晏晝人流唔多，只有一位員工，要逐樣製作，首先上枱嘅就係肉醬意粉，肉粒比較少，調味適中，味道唔錯。沙嗲牛肉意粉，平生第一次食呢個配搭，又幾特別，味道上有啲驚喜，比肉醬意粉更好食，如果沙嗲牛肉嘅份量可以多啲就更好了。炸薯條同秘製雞翼，兩樣食得出熱辣辣新鮮炸起，所以味道都幾好味，雞翼嘅調味好豐富，食得出有香草。

今日又黎上水，經過呢度，又來試下，今次試食熱狗🌭原來熱狗也能這樣食，爆醬，勁正有朋友仔中意食熱狗的可以來試下，仲有薯條跟，掛住食薯條🍟都唔記得影添，價格都算適中，因為熱狗有跟薯條，夠飽的。

🥗 🍝在我心裡沙拉已經脫離了餐前小食的範疇，跟義大利麵邁向主食的行列，只要配比科學醬汁上道，就能成為健康美味的正餐選擇，Fastcasa自調醬汁很好吃！好吃不怕胖！🌭️熱狗可以說是必食名單之一，一直以來我吃熱狗都是「專注吃內餡」麵包都剩下一大塊，Fastcasa的麵包竟然可以做到外酥里嫩，口感一流，不知不覺解決完整的熱狗。🍟🐓鍾意薯條的人應該也會鍾意雞翅吧？雞翅據說是用了Xx種香料醃製而成，也太入味了吧！黑松露薯條我摯愛，火候恰好，薯條是長條偏粗的那種，口感更加軟綿，他們的小食做得挺出色，再來一杯啤酒，一流！

雞肉煎得岩岩好，菜又唔會太熟，食材比較新鮮，椰菜花加上藜麥，口感食落去就好似飯，可以代替主食，又夠飽肚，上餐時間夠快，環境夠安靜，服務主動，熱情，店長好nice。推薦