To-Gather Cafe (已結業)

同朋友Re-U 来左呢间楼上cafe，想食多d唔同嘅野，所以我地六个人叫左呢个party set。首先来小食拼盘，有密密烧鸡翼，咖喱角同埋鱼饼。d鸡翼好juicy🤤加埋蜜糖甜甜地好jeng🥳仲有咖喱角同鱼饼外脆内软，个咖喱角个馅好香浓。吉列凤尾虾可能系岩岩炸好既关系，咬落好脆，入面既炸粉唔算大厚，只虾都够大只，入面炸到岩岩好，外脆内软。只虾上面仲淋左D日式烧汁，甜甜地，整体来讲都几好食。芝士薯条上嘅时候热辣辣，店员好好咁提醒我地要趁热食。 而芝士汁都好热好浓味，同埋有用白汁令芝士汁唔会太腻。另外仲有加左好多香草令味道更丰富，真系好好食。一食完小食，就轮到主菜上场。鲜茄焗猪饭冇令人失望，一上黎就闻到好香既蕃茄味喷上黎，上面仲铺满哂热熔熔既芝士。而主角既猪排大块又juicy ，同饭底一样一啲都唔干。而另一样主菜我地决定黎啲新尝试，叫左特别啲既 抗氧黑蒜忌廉什菌意粉。但系我地全部人都喜出望外，忌廉同蘑菇味配合得啱啱好，唔会话边样太浓味太特出。而且全素既意粉系素食人士必选。Party Set野饮全部都系任喝嫁！今次我地就试咗水蜜桃红茶，青苹果菠萝，味道都几清新。