影片
更多
2024-09-29
0 浏览
PAUSE IT📍元朗朗乐路1号元点L1楼B120号舖老爸同我约好喺星期五去新开嘅元点食晚饭，估唔到商场细细，餐厅选择都有好多，本来打算揾间合佢「河车」中菜馆，点知佢拣咗间我估都估唔到佢会拣嘅餐厅！我到埗后见到一间装修简单、接近全白、名叫PAUSE IT嘅cafe。晚市时间全场满座，不过翻台率都好高，所以等咗一阵就坐到富有设计感嘅梳化位。台上只放有简单三个餐牌：Food、Drinks同Hand drip，但原来选项都唔少，样样都好吸引。 💰$108全日早餐 🍳PAUSE IT招牌All Day Breakfast材料丰盛，有法兰克福肠、烟肉片、炒滑蛋、炒杂菌、焗鲜茄、茄汁豆、沙律菜，配有一片sourdough toast，攞盘非常精美，可以厨师用心。法兰克福肠份量十足，外皮烤得香脆；烟肉同样剪得焦香，但唔会太干；炒蛋滑溜富有蛋香、炒杂菌香气扑鼻、焗蕃茄鲜嫩甜香、toast好脆口，有水准！ 💰$98慢煮鸡胸配香草汁烩梨意大利饭 🐓🍐另一人气单品系慢煮鸡胸配香草汁烩梨risotto，牛油果绿色嘅risotto非常抢眼，除咗米饭，仲混有新鲜梨粒同核桃粒，层次非常丰富，感觉好健康。香草汁pes
📍元朗朗乐路1号元点L1楼B120号舖
老爸同我约好喺星期五去新开嘅元点食晚饭，估唔到商场细细，餐厅选择都有好多，本来打算揾间合佢「河车」中菜馆，点知佢拣咗间我估都估唔到佢会拣嘅餐厅！
我到埗后见到一间装修简单、接近全白、名叫PAUSE IT嘅cafe。晚市时间全场满座，不过翻台率都好高，所以等咗一阵就坐到富有设计感嘅梳化位。台上只放有简单三个餐牌：Food、Drinks同Hand drip，但原来选项都唔少，样样都好吸引。
[价钱 Price]
💰$108
全日早餐 🍳
PAUSE IT招牌All Day Breakfast材料丰盛，有法兰克福肠、烟肉片、炒滑蛋、炒杂菌、焗鲜茄、茄汁豆、沙律菜，配有一片sourdough toast，攞盘非常精美，可以厨师用心。
法兰克福肠份量十足，外皮烤得香脆；烟肉同样剪得焦香，但唔会太干；炒蛋滑溜富有蛋香、炒杂菌香气扑鼻、焗蕃茄鲜嫩甜香、toast好脆口，有水准！
[价钱 Price]
💰$98
慢煮鸡胸配香草汁烩梨意大利饭 🐓🍐
另一人气单品系慢煮鸡胸配香草汁烩梨risotto，牛油果绿色嘅risotto非常抢眼，除咗米饭，仲混有新鲜梨粒同核桃粒，层次非常丰富，感觉好健康。香草汁pesto味道相对浓郁，配衬调味较淡、肉质滑嫩嘅慢煮鸡胸片，再洒上烤焗过嘅松子仁，感觉唔会太单一，值得一试！
[价钱 Price]
💰$42
紫薯拿铁 🍠
入口口感细滑，先有鲜奶嘅醇香，后有紫薯嘅甜香，已经拉花特别，小老鼠图案可爱又吸晴，价钱贴地好抵饮！
[价钱 Price]
💰$48
泡沫葡萄柚蜜桃冻茶 🍹
老爸拣咗店员推介嘅蜜桃冻茶，特别之处系内有QQ嘅果冻，葡萄柚同蜜桃香气相辅相成，整体唔会过甜，而且有厚厚一层泡沫，口感同层次都齐齐增加。
张贴
