影片
更多
2023-11-26
78 浏览
☕️ Pause It (北角)📍今次去咗北角一间文青Cafe🎨，一坐低就见到有块牌仔写住赢过拉花比赛🏅，同有开班教咖啡拉花，好似好劲咁，就梗系叫返杯啦。🍴伯爵茶朱古力 $46 8.5/10一上到嚟就见到超打卡able嘅拉花🌺，饮落好重伯爵茶味🫖，但同时亦唔会抢走晒朱古力味，两者平衡得好好⚖️。🍴薄荷朱古力咖啡 $42 9/10呢一个拉花同样咁靓😍，宜家香港好少地方有得饮peppermint mocha🌱，难得见到，就梗系试吓啦！一饮落就有淡淡的薄荷味同朱古力🍫，中间咖啡味出埋嚟，最后会feel到薄荷带嚟嘅凉阵阵❄️。成杯嘢好有层次，同埋唔使惊好甜🍬。如果你系薄荷朱古力控，极力推荐你要嚟试呢杯‼️。🍴牛肉烟肉汉堡配薯条 $108一拎上手个包劲热辣辣🔥，feel到个面包系有揾牛油煎过，好香牛油味🧈；块牛系好厚好juicy ，但块牛真系无味🥩，系一啲咸味都冇; 成个包净系靠佢𠮶Wasabi蛋黄酱先会有味👅，重要佢个酱唔系好多，所以成个包基本上冇乜味，但有酱嘅部份系好食嘅。佢啲食材系唔差，feel 到系有用心❣️，如果佢块牛有返啲味，成个包应该会好食好多😌。佢薯条系类似M记𠮶款幼身薯条配Five Gu
今次去咗北角一间文青Cafe🎨，一坐低就见到有块牌仔写住赢过拉花比赛🏅，同有开班教咖啡拉花，好似好劲咁，就梗系叫返杯啦。
🍴伯爵茶朱古力 $46 8.5/10
一上到嚟就见到超打卡able嘅拉花🌺，饮落好重伯爵茶味🫖，但同时亦唔会抢走晒朱古力味，两者平衡得好好⚖️。
🍴薄荷朱古力咖啡 $42 9/10
呢一个拉花同样咁靓😍，宜家香港好少地方有得饮peppermint mocha🌱，难得见到，就梗系试吓啦！
一饮落就有淡淡的薄荷味同朱古力🍫，中间咖啡味出埋嚟，最后会feel到薄荷带嚟嘅凉阵阵❄️。成杯嘢好有层次，同埋唔使惊好甜🍬。
如果你系薄荷朱古力控，极力推荐你要嚟试呢杯‼️。
🍴牛肉烟肉汉堡配薯条 $108
一拎上手个包劲热辣辣🔥，feel到个面包系有揾牛油煎过，好香牛油味🧈；块牛系好厚好juicy ，但块牛真系无味🥩，系一啲咸味都冇; 成个包净系靠佢𠮶Wasabi蛋黄酱先会有味👅，重要佢个酱唔系好多，所以成个包基本上冇乜味，但有酱嘅部份系好食嘅。
佢啲食材系唔差，feel 到系有用心❣️，如果佢块牛有返啲味，成个包应该会好食好多😌。
佢薯条系类似M记𠮶款幼身薯条配Five Guys𠮶粉🍟，但同佢个burger一样，都系唔够味，啲粉劲少，但同时又冇落盐🧂。如果啲粉多番少少，成件事会即刻好好多👍🏻。
🍴红酒烩西班牙猪软骨意大利饭 $98
一上到嚟又系出晒烟，啲猪软骨劲淋🐖，唔使惊太硬咬唔开，而啲饭亦都粒粒分明唔会煮到粥咁🍚，保留咗risotto 独特嘅口感。
但真系冇红酒味🍷，净系食得出蕃茄味，似罗宋汤炖饭多啲🥫，同埋食到最后会有啲咸。如果你唔系当佢系红酒炖饭嚟食，而系罗宋汤炖饭嚟食🍅，而你又稍微重口味，其实都唔差😃。
💰 翻兜指数: 8/10
以40几蚊就可以系呢一个咁舒适嘅cafe到坐吓🪑，叹一杯有靓靓拉花嘅咖啡☕️，仲要唔收加一💲，系几推荐嚟叹杯咖啡✨。
好适合平时同朋友想揾𠮶地方吹吓水🗣️，又或者自己一个喺附近等人，想揾𠮶地方坐下👩🏻💻。
但…就唔系好建议你叫以上𠮶两款食物🙈，可能试吓其他食物会更好。
张贴
