八屋 (已結業)

作为2021年新开始，第一餐当然要放肆地食餐好，正所谓「辛苦揾黎志在食」。之前已经被呢间嘅美轮美奂嘅Bar枱吸引，bookmark已久。去到一开lift就见到同相中一模一样嘅Bar枱，绝对唔系骗图。嘢食方面选择唔算多，我地叫咗一枱美食share！。重头戏之一八屋法式西多士，因为本身系茶记西多士嘅粉丝。一上枱已经睇到法式多士身价唔同，三件三角形整齐咁排排坐，仲有香蕉、蓝莓、士多啤梨作摆盘，秒杀相机。如果一个人食，作为brunch都绰绰有余。边位特别香脆，有淡淡玉桂味。中间比较松软，但系唔会好似疏乎厘咁，有蛋香味，落埋糖浆更好味。友人大赞连香蕉都好新鲜，确实又真系几甜。明太子意大利面每条扁意粉沾满明太子，鱼籽分量亦好阔绰。小食中嘅脆炸薯条配黑松露酱同日本忌廉芝士蟹饼不过不失。黑松露酱味道浓，可惜粗薯条炸得唔够脆身。最后不得不提满有惊喜嘅饮品。饮品定价虽然比较贵，但绝对值得一试。我叫咗Tiramisui Latte，而揾食小伙伴就叫咗意大利岩浆朱古力。除咗两杯饮品都好丰盛，有快泻出黎嘅感觉，打卡一流，味道都令人想一饮再饮。Tiramisui Latte杯面上有一条饼干，建议要浸落去杯嘢饮度，