影片
更多
2009-11-15
9 浏览
13-11-2009一直几想试呢间 vegan 食店, 呢日「下场」前夹硬拉了食肉兽朋友嚟 dinner, 真「好带挈」大家都叫了「碟头饭」套餐, 跟饮品或「是日老火汤」:渍物系青瓜及萝卜, 又被放弃. 汤系蜜枣红萝卜西洋菜, 卖相一般清澈, 饮落几甜, 不过又红萝卜又蜜枣, 唔系唔甜呀嘛? 味道都 ok 的, 不过当然点都系猪肉好啦. 主食系「含五辛」的纽约素排饭 --「纽约素排」其实系炸面筋, 炸得酥脆唔油, 食落烟韧, 无「肉」的感觉, 但充满五香的味道, 蘸点酸酸辣辣, 带茄汁味又好似带点蒜味的酱汁, 又几好食㖞 饭系红曲米饭, 除咗「红」之外其实同普通饭无分别, 食落干身带点硬, 又无米香, 唔太喜欢.朋友食素叉烧饭, 呢个就唔及纽约排好了 -- 人工红色「鲜艳」得吓人, 面筋食落好甜, 甜得仲几假; 奉上的系南乳酱, 咸咸的, 几够南乳香, 但同甜叉烧一 d 都唔夹, 难怪朋友食剩唔少.仲有椰汁凉粉做甜品, 黑色一 pat 糊上淋了点白白灰灰的椰汁, 卖相超级样衰 可幸食落唔算差 -- 甜度唔高, 淡淡椰味之余起码亦食到淡淡草香, 质地又唔会太软, 感觉有点似走
一直几想试呢间 vegan 食店, 呢日「下场」前夹硬拉了食肉兽朋友嚟 dinner, 真「好带挈」
大家都叫了「碟头饭」套餐, 跟饮品或「是日老火汤」:
渍物系青瓜及萝卜, 又被放弃.
汤系蜜枣红萝卜西洋菜, 卖相一般清澈, 饮落几甜, 不过又红萝卜又蜜枣, 唔系唔甜呀嘛? 味道都 ok 的, 不过当然点都系猪肉好啦.
主食系「含五辛」的纽约素排饭 --「纽约素排」其实系炸面筋, 炸得酥脆唔油, 食落烟韧, 无「肉」的感觉, 但充满五香的味道, 蘸点酸酸辣辣, 带茄汁味又好似带点蒜味的酱汁, 又几好食㖞 饭系红曲米饭, 除咗「红」之外其实同普通饭无分别, 食落干身带点硬, 又无米香, 唔太喜欢.
朋友食素叉烧饭, 呢个就唔及纽约排好了 -- 人工红色「鲜艳」得吓人, 面筋食落好甜, 甜得仲几假; 奉上的系南乳酱, 咸咸的, 几够南乳香, 但同甜叉烧一 d 都唔夹, 难怪朋友食剩唔少.
仲有椰汁凉粉做甜品, 黑色一 pat 糊上淋了点白白灰灰的椰汁, 卖相超级样衰 可幸食落唔算差 -- 甜度唔高, 淡淡椰味之余起码亦食到淡淡草香, 质地又唔会太软, 感觉有点似走药材味的「龟苓膏走龟」, 哈哈哈
食物叫 ok, 环境就系快餐店格局, 不过有我喜欢的白雪雪简约主义, 感觉都不错的.
每人约 $50 埋单, 食完 my memories of love 当然无呢度份啦 , 不过都可以一试的.
张贴
