PHO 會安 (已結業)

平时好少行Mikiki， 今日难得出到来都想食好D，见到PHO 会安门面都唔错，就吸引左入来试啦。凤尾虾春卷 / 香煎鱼饼 - 凤尾虾春卷太多油，味道一般，反而香煎鱼饼味道唔错。会安拼盆 (越式炸春卷，柚子沙律，鲜虾猪肉米纸卷，扎肉) - 每款食物都唔错，以一人餐来讲分量都唔少。会安炒饭(海鲜炒饭) - 味道偏淡，海鲜都足料，唔会一两啖就得返D饭，算系不过不失，但可以唔洗特别试D个。越式炒金边粉 - 金边粉炒得几好，唔会太油，而且都系好足料，有唔少虾同扎肉，味道唔错。香芧猪扒汤粉 - 汤粉正常，香芧猪扒好香口但骨大肉少，但系系好食的。另外饮品叫左三杯柠檬水，质素都唔错。整体而言，餐厅坐得舒服，食物味道同分量都可以，但价钱真系唔算平，仲要收加一，只可以话卖点都真系环境舒适为主。