影片
更多
2021-08-09
1977 浏览
对上一次嚟Pici已经系成年前，当时同朋友嚟，整体印象好唔错，平日性价比又高。之后都成日同另一半提起，一定要揾机会嚟同佢试试，周末见有时间就即刻行动荔枝角店算几方便我哋，座位都多，而且呢排附近又有市集，饭后可以行吓。到访时接近中午，因为系周末啦，人流都几多，疫情关系，客人要喺入口位置登记资料同量体温，然后店员就会安排座位。第一个感觉系，店员嘅服务、态度比第一次嚟嘅时候更优胜同亲切呢餐厅最近推出咗新餐单「海鲜盛宴」，每位定价$238可以享用面包、前菜、意大利面、饮品 (部分要加钱升级），当然唔少得可以食埋佢哋嘅经典甜品tiramisu啦。呢个餐牌会多咗啲有海鲜嘅选项，例如前菜入面嘅海鲜辣蕃茄烩汤；主菜入面嘅忌廉龙虾阔条面、炖煮八爪鱼酱意式云吞等。我哋今日就点咗两个set for 1，人均大约系$380，真系不得不承认，过份丰富了！呢度上菜速度恰当，待客人食完一道先上另一道菜，确保每样嘢都系新鲜热辣嘅状态前菜海鲜辣蕃茄烩汤呢度嘅汤系「可以食嘅」，汤头厚身又多料，入口茄味浓郁，带微微辣度，饮落好开胃。新鲜嘅青口同蚬肉当然亦系加分位，个人认为烩汤几出色香脆炸鱿鱼 +$10炸鱿鱼都系呢度好受欢迎
餐厅最近推出咗新餐单「海鲜盛宴」，每位定价$238可以享用面包、前菜、意大利面、饮品 (部分要加钱升级），当然唔少得可以食埋佢哋嘅经典甜品tiramisu啦。呢个餐牌会多咗啲有海鲜嘅选项，例如前菜入面嘅海鲜辣蕃茄烩汤；主菜入面嘅忌廉龙虾阔条面、炖煮八爪鱼酱意式云吞等。
我哋今日就点咗两个set for 1，人均大约系$380，真系不得不承认，过份丰富了！呢度上菜速度恰当，待客人食完一道先上另一道菜，确保每样嘢都系新鲜热辣嘅状态
前菜
海鲜辣蕃茄烩汤
呢度嘅汤系「可以食嘅」，汤头厚身又多料，入口茄味浓郁，带微微辣度，饮落好开胃。新鲜嘅青口同蚬肉当然亦系加分位，个人认为烩汤几出色
香脆炸鱿鱼 +$10
炸鱿鱼都系呢度好受欢迎嘅前菜，炸浆薄身，炸得够透，而鱿鱼因为新鲜食落仲保持到软嫩，唧少少柠檬汁，冇一丝油腻感。
意大利面
忌廉龙虾阔条面 +$88
大虾海鲜浓汁黑细面 +$30
Pici嘅意大利面都系每日新鲜手工制嘅，价钱同质素成正比，钟意食龙虾嘅朋友可以考虑试吓呢款阔条面呢，可以见到半只都唔细嘅龙虾，钳仲去埋壳，劲方便食用，口感爽弹啖啖肉有鲜味阔条面淋上大量浓厚咸香嘅酱汁，面质有咬口，唔知系咪我错觉，好似仲比平时份量多啲。
另一款黑细面系完全唔同嘅口感，面条细而有弹性，呢款会比龙虾阔条面重口味少少。细面有两只大虾，肉质结实烧得香口
饮品无酒精特调 +$25
点咗两杯打卡度比较高嘅无酒精特饮，分别以热情果同红莓为基础，味道清新，唔会话有好假好假嘅糖水味/1药水味。
甜品
Tiramisu +$30
甜品有意式奶冻或提拉米苏，上次食过提拉米苏好满意，所以今次同另一半两个都系点呢款，真系几出色，明明已经好饱好饱同埋好肥好肥，都一会食清光嘅甜品。入口顺滑带适量酒香，唔会干争争又唔会湿笠笠，系恰到好处嘅美味
成日同另一半讲起Pici，今次终于同佢嚟到试吓啲手工意粉，问番佢佢都话好满意呢。
张贴
