LYKETEA BISTRO

营业中

休息中

今日同朋友去左坚尼地城呢边行下海旁，到左夜时顺便系附近食埋晚餐，喺OpenRice见到呢间餐厅评分都几高，于是就决定拣咗呢间餐厅。呢度环境都几优雅，坐得都几舒服，呢度嘅侍应都系讲英文，虽然我英文麻麻哋，但系都沟通得到。我哋就叫咗个（creamy spinach pizza )菠菜芝士pizza，上面𠮶层芝士同埋菠菜都好足料，pizza唔算太厚，厚薄适中，而且条外边都好脆，芝士加菠菜嘅味道好配合，好creamy 又唔会好浓，总知就好正啦。小食就系叫咗一个mozzarella stick, 入边都系芝士，外边脆脆地，我哋两个都几钟意食。最主系salmon lemon cream pasta ， 因为有柠檬嘅味道带出咗三文鱼嘅鲜味，而且佢成个酱汁系超级美味，有一种觉得好鲜甜嘅味道。总结嚟讲，我觉得呢度嘅食物质素坚系高质，环境优雅，价钱都唔算贵。喺呢度嘅晚餐食得好开心。