影片
更多
2025-02-20
0 浏览
收工约咗朋友， 唔想出街吹风，近近哋决定喺商场入边食算。揾到间睇落几chill嘅西餐 佢有set, 但因为选择比较少，我哋最终都系散嗌松露野菌浓汤一上枱好香松露味，入口都好creamy，够咸带到菇菌𠮶种香味出黎。至于巴马臣黑松露薯条，粗幼适中，份量一定够饱😂 松露酱都够点嘅，反而芝士碎系靓，味就唔算出，呢个我觉得还好意大利风干火腿夏威夷pizza几特别，我最初系想食ham, 望紧第二个pizza, 但又惊自己唔食无花果, 1516咗好耐最尾都系拣返comfort zone。只ham都几好食， 有啲咸香味， 唯一系我觉得太难咬开， 一咬落去就要成啖食咗块ham，无得分开成块pizza都食到ham。食到最后开始饱， 我索性卷起成块pizza用刀叉慢慢切， 邪教食法😂但效果其实几好， 起码块ham分赃平均咗。菠萝有惊喜， 超大块而且唔系平时食𠮶种cheap cheap罐头，好甜好juicy，加埋啲火箭菜味道好有层次，中和咗ham嘅咸味又令到唔太钟意食面包嘅我觉得个批底无咁dry。 烟三文鱼芦笋刁草忌廉汁天使面够幼，我不嬲钟意天使面比意粉𠮶啲更挂汁，个汁如果再多啲就好，芦笋比较细条， 口感争啲
佢有set, 但因为选择比较少，我哋最终都系散嗌
松露野菌浓汤一上枱好香松露味，入口都好creamy，够咸带到菇菌𠮶种香味出黎。
至于巴马臣黑松露薯条，粗幼适中，份量一定够饱😂 松露酱都够点嘅，反而芝士碎系靓，味就唔算出，呢个我觉得还好
意大利风干火腿夏威夷pizza几特别，我最初系想食ham, 望紧第二个pizza, 但又惊自己唔食无花果, 1516咗好耐最尾都系拣返comfort zone。只ham都几好食， 有啲咸香味， 唯一系我觉得太难咬开， 一咬落去就要成啖食咗块ham，无得分开成块pizza都食到ham。
食到最后开始饱， 我索性卷起成块pizza用刀叉慢慢切， 邪教食法😂但效果其实几好， 起码块ham分赃平均咗。菠萝有惊喜， 超大块而且唔系平时食𠮶种cheap cheap罐头，好甜好juicy，加埋啲火箭菜味道好有层次，中和咗ham嘅咸味又令到唔太钟意食面包嘅我觉得个批底无咁dry。
烟三文鱼芦笋刁草忌廉汁天使面够幼，我不嬲钟意天使面比意粉𠮶啲更挂汁，个汁如果再多啲就好，芦笋比较细条， 口感争啲，烟三文鱼正常发挥，一贯嘅好味~
最后个海盐特浓朱古力慕丝，朱古力味系够浓，但海盐味唔系好出，甜度都偏高，食多两啖会觉得滞（都可能因为我哋叫太多已经食饱咗lol
张贴
