The Wall Street Bar & Lounge

营业中

休息中

系尖沙咀试咗一间好有气氛嘅酒吧餐厅，店内仲有一间可以俾你同朋友一齐唱K饮酒食饭嘅贵宾房，环境靓之余食物亦都好有质素。假日烧牛肉套餐$388是日餐汤当日嘅餐汤系龙虾汤，口感香滑浓郁，每一口都有龙虾嘅甘甜美味，餐包味道亦甜甜哋咁配搭一齐食非常之夹。凯萨沙律蔬菜食落十分之爽脆鲜嫩，味道甜甜哋带少少咸，令人越食越开胃。慢煮澳洲M4烧肉眼扒（配薯饼千层）好大嘅一块肉眼扒仲要好厚身，而虽则厚身但肉质够晒软腍，落刀轻轻一切就得，脂肪比例均匀入口有溶化感，肉味浓郁，配搭埋酱汁一齐食味道更好。意式茄酱芝士薄饼 $138即叫即整嘅芝士薄饼，上到枱仲系热辣辣，芝士味道好香好浓，茄酱酸酸甜甜咁令味道更加升华，饼皮系薄身脆皮，口感层次十分丰富。Salted guava 跟餐+$38主要由番石榴同柠檬调制，果味浓郁香甜，仲有阵清新香气，易入口啱晒女士饮。Rose and lychee tea $48一款果香花香俱全嘅茶饮，甜度唔会太超过，口感清新。