必勝客

营业中

休息中

见Pizza Hut有新出嘅软壳蟹pizza，就谂住同屋企人去试下，点知打开餐牌先见到软壳蟹已经卖哂，所以就唯有嗌咗个二人餐，有一个咸蛋黄酱唐扬鸡薄饼、两个餐汤、拿破仑鸡肉意粉同埋鸡翼配肠仔。另外我哋加咗几十蚊，嗌左个炸鱼薯条，因为见到佢个卖相好似好靓。首先，佢个咸蛋黄酱炸鸡Pizza真系几好食。佢啲咸蛋黄酱油好香嘅咸蛋黄味，但系又唔会太过咸。每一块Pizza上面都有一旧炸鸡，个皮够脆啲肉都好滑，个人认为真系几好食。而炸鱼薯条嘅份量就好多，啲薯条条条都热辣辣脆卜卜，炸鱼嘅粉虽然有啲厚，但系胜在够大旧同香口。鸡翼配肠仔就不过不失，冇乜特别。但系佢嘅鸡肉意粉就真系麻麻地，啲鸡肉系好食嘅，但系啲意粉就好似未熟咁，有啲难咬，所以只系食咗几啖就算，希望下次会有改善啦。