Pizza Piazza

营业中

休息中

今日同朋友黎到荔枝角的Pizza Piazza食Pizza。Lunch set一般都系78-88连餐汤同饮品。某啲款式要额外加钱。而今日的餐汤就系洋葱汤，味道偏淡同比较多油。主食我地叫左肉酱千层面，蕃茄酱唔会太酸，非常开胃。面头有浓厚的芝士，千层面面质ok，配肉酱芝士味道好夹。Pizza就叫左蓝芝士牛肉，配料有蒜头牛肉同蘑菇，牛肉系肉碎粒，类似平时食开的咸牛肉，而蓝芝士味道比想像中浓烈，个人就唔太钟意，但钟意食芝士的朋友不妨一试。另外我地仲追加左一款小食同一款甜品。小食叫左薯条，新鲜炸起非常脆口，配蓝芝士酱一齐食都几夹。甜品试左Tiramisu，卖相唔错，食落重酒味，但蛋糕质感偏软。其中一杯饮品我地都升级叫做左士多啤梨鲜奶，面头有cream，入口顺滑。