必勝客

营业中

休息中

Pizza唔可以日日食，要食梗要择日食！连锁店定律，新野唔系人人啱，元祖永远系最好。多个优惠中，以逢星期三外卖自取九十八蚊食意式风情或至尊大厚批最抵，我就加钱转芝心批，食得依间点可唔转？仲可半价食焗白汁烟肉薯蓉同蝴蝶虾，但自问一个大批咸味够哂，甜食自然要限量供应嘅Hershey’s朱古力软心曲奇！足足八时，上次推出几日就突然全线无货，今次照旧外卖自取价四十八蚊，仲唔再规定要买其他野，买嚟做下午茶都值。大大块曲奇直接咬？软曲奇其实好难，但佢都无帮你切（连Pizza都唔想切），刚出炉热辣辣，软软一块爬在锡纸兜上，满满朱古力粒，随手一抓已粘满朱古力，囗感似布朗尼，仲配上杏仁片同朱古力酱，杏仁片焗得香脆，连同朱古力酱加上去非常邪恶！冻咗外表变硬，中间仍软，睇你技术，有机会可以原块取出，碎咗一小块食都唔错，始终好难一次食哂，有净下餐用返个锡纸兜焗热，风味一样。本来今期系配野莓酱，今次佢俾咗上期配搭我，刚好我唔太钟意果酱，堂食就配雪糕球、士多啤梨、杏仁片同野莓酱，贵十蚊加一，梗大块系屋企慢慢食未仲开心！