CIAK - All Day Italian (太古城中心) (已結業)

朋友想食意粉，揾左太古的「CIAK」，据知连续几年拎咗米芝连推介。不过佢最后冇点意粉，见到人哋食pizza又话想试。我私心选咗四种意大利芝士配风干火腿薄饼（$230），饼底够薄但又唔会承托唔到啲料，亦唔干，充满面粉香。芝士薄薄的但好够味，唔会好腻，不过食唔出有四种。火腿唔会放好多，分量恰到好处，太多就会好咸，质感都好软绵。因为大家都唔饿，就另叫一道前菜生牛肉他他（$170），生牛肉腌得好入味，垫底的牛油果好幼滑，配埋葱粒、炸薯丝等等，口感极丰富，卖相亦好靓。一心已经谂好的菜式今次完全食唔到（有时好多嘢都系计划唔到），唯有第日有机会再试。