The Point (已結業)

铜锣湾登龙街有间食pizza，个名叫THE POINT,其实平时都有经过见到、不过今日就入去试吓啦！两个人叫咗一个Pizza， 一个天使面、一个杂菜汤同埋一个野菌汤、首先上嘅系两个汤、我觉得杂菜汤味道咸咗啲，但系个野菌汤就好好饮！菌味浓郁，呢个要赞👍🏻（唔记得影相）跟住就系蟹肉白酒刁草红胡椒天使面，本人都系觉得好咸，如果佢整得冇咁咸就好啦！因为除咗咸之外其实食材卖相各方面都冇乜问题！所以我觉得厨师落料要调节一下啦！💪🏻主菜当然系呢度嘅Pizza啦！我哋今次要左FOIE GRAS 🍕,馅料有鹅肝、灵芝菇、焦糖洋葱、温室菜苗、黑醋汁等，成个Pizza其实我第一时间系食个鹅肝😋，味道唔错！啱啱好！我平时都唔系食得晒Pizza嘅人，最多都系两块左右就已经饱饱，但系我今日竟然食得晒四块，证明呢个Pizza整得唔错！另我一食再想食！结果系我同我朋友两个人都清左个pizza、系咪好犀利先？😛Btw 佢呢度有lunch set ,佢个迷你Pizza份量啱啱好够一个人㗎！所以、我觉得照顾到唔同客人嘅需要。#ThePoint#pizza#铜锣湾登龙街#lunch