Jacomax

营业中

休息中

今年第二餐生日饭，帮衬咗 Pizzeria Jacomax 于铜锣湾刚开嘅分店。一入门口，意大利籍老板 Jacopo 满面笑容咁同我哋打招呼，好鬼亲切😆。两个人食，唔食得多，只可以叫一个 pizza 加一款小食。Pizza 我哋毫无悬念拣咗小店名物蓝芝士苹果薄饼，由于怕太 heavy，所以小食就拣咗麦啤煮蓝青口，另外而家每位送汽水，我哋怕甜，所以叫咗 lime soda。蓝芝士苹果薄饼果然名不虚传，芝士又厚味道又浓，苹果虽然薄薄一片片但充满果香，两种食材放埋一齐，芝士嘅咸香同苹果嘅清甜估唔到系 perfect match，好食到唔停得口🤤。麦啤煮蓝青口又系一绝，青口份量多，而且非常新鲜，不但充满海水咸味，仲有阵阵啤酒香，坚好食😋。饮品虽然系送嘅，但系一啲都唔马虎，大大杯，青柠都落咗成大半个，劲正。埋完单，出门口，望返入去，Jacopo 又鬼死咁亲切地同我哋挥手，好可爱。姐终于忍唔住问：你识㗎？我答：唔识㖞。嘢又好食，老板又亲切，我好肯定咁讲：I'll be back 🤣🤣。