The Point Kitchen (奧海城二期) (已結業)

叫咗个二人套餐。一个南瓜汤，一个龙虾汤。个人非常喜欢南瓜汤，因为很喜欢吃南瓜。龙虾汤亦都有浓厚嘅龙虾味。两个汤都很滑。另外配一个虾刺身意粉，另一个系水牛芝士蕃茄pizza。刺身啲虾真系鲜甜，略嫌佢切得太碎同埋太少，啲虾系好食嘅，意粉方面有龙龙嘅龙虾汁怖满意粉，热食嘅时候系好食好cream…可能佢落咗好多牛油，所以好滑，但系一冻左就好漏，感觉有啲似冻咗嘅卡邦尼意粉。所以建议大家趁热食。水牛芝士蕃茄pizza，新鲜出炉，啲芝士真系好食到不得了，我钟意佢个饼底好薄，芝士一啲都唔孤寒，比好多芝士，非常适合芝士迷。蕃茄味好浓，蕃茄酱亦都配合得好好👍🏻感觉厨师材料方面绝对冇孤寒你😃甜品方面叫咗个忌廉泡芙，同埋香辣朱古力蛋糕🍰忌廉泡芙系非常之普通同埋唔冻，所以觉得唔系咁好食。而香辣朱古力蛋糕就几特别，香浓嘅朱古力🍫食落口回味嘅时候真系会辣，系几特别，不过个人都系唔钟意辣嘅甜品🤣嘢饮方面叫左mocha…香浓嘅咖啡味，好饮。环境方面都几好坐，个场好大，好适合同朋友喺度吹水。埋单$500，个人觉得会再次光顾，因为啲材料方面佢真系比足料，对得起价钱 。