PizzaExpress (東薈城名店倉) (已搬遷) 新店位置

今日同朋友去左食pizza ，星期六晚上想去食个丰富既晚餐，饮个啤酒，放松下。新餐单同peroni italia 合作出左个套餐好吸引。有两杯500ml 生啤，加一个双重芝士脆边薄饼。Pizza 配料有西班牙肉肠、抱子甘蓝、马苏拉芝士、车打芝士及黄蕃茄酱。脆边薄饼真系好香脆，成个配搭味道都好浓郁，芝士味好重，钟意芝味浓郁既真系唔可以错过。好有咸香味！令人食指大动。另外我地仲叫左个牛肝菌羽衣甘蓝螺丝粉，用上巴马臣芝士加蒜蓉油，酱汁好香，食落口感湿润，螺丝粉挂汁效果好。羽衣甘蓝又新鲜。Peroni Nastro Azzurro 生啤味道偏苦，都算清新易入口，配pizza 边食边同朋友倾计，好饱肚又满足。套餐仲有送个联名环保袋，先到先得，送完即止。