Da Filippo Trattoria (已結業)

同友人庆祝食晚饭，拣左尖沙咀间意大利菜，走亲民路线，传统正宗风味的意粉同PIZZA 都好吸引，而且饭后甜品都好出色。日本北海道珍宝带子墨汁意粉 $238，珍宝带子系超级大只厚身，煎得刚刚好，入口外面香口，内里嫩滑微弹，而且厚身的带子口感非常好，有肉感又满足，海鲜味突出。墨汁意粉口感 al dente，爽口弹牙、有嚼劲，沾满墨汁好鲜味，加左三文鱼籽更加爆发鲜味。意式香辣烤鸡 $298，烤鸡上面有好多香草，腌得好入味，简单烤焗食出鸡原来，调味唔重微辣好开胃。一整只鸡好有家庭风味，自己切开分享，鸡肉保留好多肉汁，而且都好嫩弹，鸡皮没油同埋好香脆，平时唔食鸡皮，都忍唔住食左。巴马火腿芝士佛卡夏薄饼 $208，自家制薄饼厚薄适中，上面的蕃茄蓉几浓，芝士仲好香好正，好多ham 透薄柔软有肉味，特别咸香同少少脂肪香，仲有大量芝麻菜带香微辣。Tiramisu $78， 平时食开都系奶味同咖啡味平衡，呢款加多左朱古力，多左层次感，质感细腻轻盈，唔会太甜。from miles away $98，由热情果浆、云尼拿、青柠汁、菠萝汁等等调成的特饮，果香四溢，酸味较突出，好开胃消腻，面层的泡沫轻盈绵密增加口感。