The Point - Pizza & Pasta (MegaBox) (已結業)

同朋友去MegaBox食饭，一班人想食西餐见有pizza就入咗去。软壳蟹Pizza呢个系厨师推介，软壳蟹炸得火候刚好，表面金黄，咬落肉质鲜美。pizza系薄批，表面芝士香浓，配合其他海鲜配料，真心高质。蚬肉阔条面有好多蚬肉，个汁调味香浓，阔条面质感做得好好，食落好滑又够软身。大虾青酱意粉个虾好新鲜，青汁调得好到位，唔会好咸，意粉香滑，欣赏佢面头加咗啲松子，令成道菜层次提升左。甜品表面雪糕好大，vanilla 味香浓而且香滑, 香桃好大但唔会好甜，个批嘅朱古力酱好有榛子味，所有野加埋个批觉得啱啱好，口感丰富又唔会好heavy。