agnès b. DÉLICES (已結業)

前排睇报纸见到agnes b推出左限量版朱古力棉花糖，其实自己唔特别钟意棉花糖不过见佢个罐几靓又系「限定」加上好耐无食agnes b的朱古力，星期五放工后见有少少时间就走左去百德新街睇下仲有无得买。去到先醒起无左地铺啦要行去对面agnes b 「complex」（佢呢间铺卖袋、衫、花又有cafe以家又有朱古大力，所以我叫佢做complex)，上到一楼即见到花店隔离就系卖朱古力的小角落，地方比起以前地铺少左而且装修无咁特别，可能要同成间铺的感觉一致D，所以唔可以再摆以前个D水晶灯等等。Anyway一黎到就见到罐朱古力棉花糖啦，店员一见到我就请我试食，不过唔系朱古力棉花糖以系一板板按重量卖的朱古力，以前都食过觉得质数普通所以无买，我又走去睇下之前都有心思思想试的鸟结糖，不过最后都只系买左罐朱古力棉花糖，唉，「限定」策略系我的弱点。$138只有9粒，好贵呀，好彩我系agnes b会员都有个9折。第二日雪冻后攞出黎食，朱古力味浓，55﹪dark chooclate唔太苦而且无个D较差黑朱古力有的酸味，唔错！可惜棉花糖个质地可能被雪冻左的关系所以有D韧。