Puzzle Dining (已搬遷) 新店位置

下午睇完话剧已经差不多6点，又到晚餐时间。上网见到依间餐厅开系游泳池旁边，睇到泳池景，好外国feel 呀。坐低就知道其实依间餐厅好家庭feel~黎食野既多数系有小朋友既家庭，好温馨❤️我地点左：蔬菜串烧拼盘包括：烧青椒仔，老公一望以为系我钟意既秋葵。原来系佢钟意既青椒仔，好新鲜，好香椒味，椒味浓郁。烧茄子加左木鱼上去，令淡淡既茄子味道层次提升👍🏻🤣烧蕃薯仔依个系我飞佛之一，好甜，好好味。烧南瓜南瓜味十分浓浓，而且南瓜肉好林，一丝丝又似南瓜蓉，所以好香。旁边既沙律菜加左麻酱， yummy 😋 餐厅另附海盐同7味粉，但因为食材新鲜又调味足，所以我唔需要。老公钟意食浓味就岩晒佢。特选四重芝士薄饼一上枱已经闻到芝士既咸香，旁边系蜜糖，加左落去，甜甜地、咸咸地，但好夹、好好食，无林过原来可以咁好食架。而且系薄脆饼底，超好味！封门柳我地拣左5成熟，烧得岩岩好，外面熟，入面仲好鲜红，而且肉质好软，又juicy,一点都唔靭👍🏻佢旁边仲有薯角，外脆内软。加$15可以有 薯条一客， Good!薯条即烤好香脆、新鲜又热辣辣。