影片
更多
2017-01-08
170 浏览
时间21:10。要带bb返屋企但又夜收工，所以谂住好快咁食啲嘢就去搭车。两个大人一个bb。一入到去，一个黑衫黑裤应该系经理嘅人就一句话 '我哋10点钟闩门架啦吓'。我哋应左佢一句'冇问题'，然后同侍应讲三个人，要一张高櫈比BB。叫我地等一阵。之后明明好多位，但就比左一个系角落头有好窄嘅二人位我哋。同佢讲要张4人枱因为bb都坐，个疑似经理就好冇礼貌咁叫我地等下先。奇怪嘅系执张枱都执咗好耐，仲要系三个人一齐执一张枱。最后到有枱，我哋又要问多次要张高櫈比bb。本来有个侍应想帮我哋落单，但个疑似经理就态度好差咁叫左佢去做其他嘢。佢帮我地落单时黑口黑面，态度又差。搞到心情同胃口都差晒。食完嘢叫佢埋单，佢直行直过咩反应都冇但之后又攞张单黎揼低，原来系听到又费事应我地。态度同服务都咁差，又已计加一，我哋当然冇比tips。找完钱埋嚟收番张单到我哋走，一句多谢都冇。咁嘅服务同态度完全不能接受。你返左成日工冇停过，你嘅客人都系一样。点解客人比钱仲要睇你黑口黑面？
两个大人一个bb。一入到去，一个黑衫黑裤应该系经理嘅人就一句话 '我哋10点钟闩门架啦吓'。我哋应左佢一句'冇问题'，然后同侍应讲三个人，要一张高櫈比BB。
叫我地等一阵。之后明明好多位，但就比左一个系角落头有好窄嘅二人位我哋。同佢讲要张4人枱因为bb都坐，个疑似经理就好冇礼貌咁叫我地等下先。奇怪嘅系执张枱都执咗好耐，仲要系三个人一齐执一张枱。最后到有枱，我哋又要问多次要张高櫈比bb。
本来有个侍应想帮我哋落单，但个疑似经理就态度好差咁叫左佢去做其他嘢。佢帮我地落单时黑口黑面，态度又差。搞到心情同胃口都差晒。
食完嘢叫佢埋单，佢直行直过咩反应都冇但之后又攞张单黎揼低，原来系听到又费事应我地。态度同服务都咁差，又已计加一，我哋当然冇比tips。
找完钱埋嚟收番张单到我哋走，一句多谢都冇。
咁嘅服务同态度完全不能接受。你返左成日工冇停过，你嘅客人都系一样。点解客人比钱仲要睇你黑口黑面？
张贴