嘉蘭娜餐廳 (已結業)

和三个朋友吃晚餐，全部人要 set dinner。头盘是烟三文鱼沙律，烟三文鱼可以，个沙律就系苹果捞卡夫奇妙酱，茶餐廰的水准。主菜我要咗牛柳配鹅肝，要"七成熟"，来到时发现件牛柳似旧黑炭，表面看来已经好硬，切开后见到入面已干晒。明显系过熟，比well done更well done。再看两个朋友叫的羊鞍，同样要七成熟，但表面却仍然湿润粉红。找来个看似高级的captain问佢点解件牛柳咁熟，佢望吓件牛柳，跟住佢话入面仲有小小粉红色，所以系啱啱好"七成熟"。冇错，件牛柳的入面确仲勉强看到少于十分一体积的粉红色，但成件嘢有超过九成被烧到似柴皮，冇哂水份。见佢仍死撑，我就话佢餐廰的标准实在与众不同。朋友跟住就指住自己件的羊鞍，问个captain咁又系几成熟？个captain话系"medium" (唔同你讲几多成！）。朋友话佢知，牛柳和羊鞍同系要"七成熟"，问佢点解熟的程度差咁远。个captain于是话可以帮我朋友煎熟D件羊鞍!!! 至于块柴皮牛柳，佢就仍然话系啱啱好"七成熟"啰！无它嘅！咁就唔洗俾个块你啦！