Savour Cafe

营业中

休息中

就区内餐厅而言，Savour价钱唔算平，但作为附近住客，两年以来光顾不下数十次质素都keep到唔错水平，已经算系我哋食堂选择之一。今次我点最爱的野菌鹅肝意大利饭，而老公就试了羊西冷扒，我哋一向喜欢大家share食物，呢度好嘅系个别菜式可以同我哋做combo，即一人一半分两碟上菜，卖相靓D之余又唔洗自己分咁麻烦。呢度除主菜外，我最爱的莫过于水准一直keep到的daily soup，今日系野菌磨菇汤，呢度餐汤并唔系一般罐头忌廉汤，啖啖都系菇菌蓉，口感丰富。谈到我最爱主菜野菌鹅肝意大利饭，如果系鹅肝迷呢道菜一定系首选。鹅肝厚身煎得好香且脆，虽然已经分咗combi（一半）但size亦唔小。意大利饭煮得软硬刚好，饭心少少硬保持意大利饭应有特色。另一道菜羊西冷出面真系好少见，一般见到都系羊鞍，羊鞍较肥有骨会较香，但羊西冷啖啖肉且juicy又系另一番滋味，店长建议食得生的话羊西冷点5成会较好味。餐饮方面除一般咖啡或茶外呢度更可点柚子蜜或柑桔柠檬，味道没太大特色但胜在多一个选择。