麥田緣

营业中

休息中

平时食开佢有cream cheese嘅面包，尤其系榴梿面包。不过今日想讲嘅，系佢嘅牛奶布丁同埋焦糖布丁🍮$15/1个或者$50/4个，所以我买咗4个琴日食咗牛奶布丁，店舖写系澳洲牛奶做嘅。我返屋企食，倒咗系碟度食。𠮶边都痴得有少少实，我要用刀界一界𠮶边，就好容易倒左出嚟。好靓呀💛味道方面，一啲都唔甜，糖浆都唔会系甜椰椰个啲。布丁都唔会太甜，牛奶味都唔错。不过布丁就比较实，不过系滑嘅。质地可能似penna cotta多D. 左边系牛奶布丁，右边系焦糖布丁。焦糖布丁系见到有云呢拿籽嘅， $15/个，我觉得算系性价比高。元朗区都有其他布丁甜品都好好食，不过价钱相对地高少少。视乎个人需要及喜好啦😉焦糖布丁相对地蛋味香好多，两个虽然望落去好似，不过味道都几唔同。