安•珈琲 (已結業)

大埔越开越多Cafe，除咗大美督之外呢林村最近都开咗几间新嘅Cafe㖞。呢间紫色外墙，有一个大嘅窗口，系最近一个好热闹嘅打卡点，可能大家都冇得去旅行啦就积极揾一啲可以影到相嘅位去食下tea。可以喺太和火车站，搭25K小巴。$48 伯爵茶蛋糕，外貌个几吸引嘅，IG-able，味道就正正常常，冇乜特别，系一个伯爵茶嘅戚风蛋糕 ，加咗少少玫瑰花瓣，同埋开心果碎。$48，苹果特饮，比较清新啲嘅饮品，都可以嘅，勉强合格，个味有少少似药水味。$48 热情果士多啤梨特饮，可以话除咗影相之外呢，真系麻麻哋啦，因为偏甜，同埋个味道好假好明显系糖浆。好后悔，早知叫咖啡啦😅除非你想影相打卡做道具，如飞必要建议唔好叫呢杯中伏 热情果士多啤梨特饮🥲$28，呢件cake冇诚意，好细件，冇技巧可言，现成野🙃🙃总结除咗影相打卡100分之外呢，食物饮品方面系需要再努力💪🏼有好多进步嘅空间，希望下次再嚟，唔止睇得，而且食落都好味啲啦。