Purple Cafe (已結業)

见到人哋不停嚟Purple Cafe打卡，今日就约埋充满少女心嘅美女嚟留倩影。呢度每一个角落都系唔同深浅嘅紫色，一入门口已经见到呢个充满初恋感觉嘅打卡位。连圣诞树🎄都系紫色㗎！为咗切合主题，我同朋友都已经配上紫醉金迷嘅装束，而呢度仲会提供紫色口罩俾客人，非常细心。食物选择唔算多，但种类亦齐全。朋友介绍话呢个蒜香墨鱼墨汁意粉超好食，一定要试。每条意粉都完美地挂上墨汁，我起初以为系面条本身嘅颜色，原来系墨汁意粉酱嘅浓稠度做得恰到好处，令每条意粉都刚好沾上墨汁。当然，另一主角带子亦煎得够甘香，令整个意粉十分完美。另外我哋仲拣咗蟹柳明太子意粉。啖啖意粉充满住明太子嘅香辛，仲有紫菜丝同蘑菇片做配菜，简单而美味。除咗环境，呢度嘅饮品都非常打卡able，紫薯波波鲜奶由白至紫嘅渐变色予人浪漫嘅感觉。蔚蓝星空雪原来充满椰奶香味，加埋粉蓝色嘅外表非常梦幻。呢度并唔系港女们嘅专利，其实男女老幼都可以到访一下，寻觅梦幻陶醉嘅感觉。