影片
更多
2008-08-21
8 浏览
20-8-2008一直同呢度无缘, 反而今日要赶头赶命食 dinner, 终于0黎了呢度试试佢的 Q 粉. 见下午茶时段仲未过, 食粉有一杯热饮送, 叫了碗「马来沙爹汤底」的「香麻牛肉．鸡串烧．玻璃 Q 粉」($30).态度散漫的店员成碗粉 + 成碟香麻牛肉「车」埋0黎, 吓死人... 先呷啖所谓「马来沙爹汤底」, 完全唔系沙爹来的, 味道淡口, 饮落两啖舌头仲开始痕 -- 哦, 原来系扮沙爹的 MSG 汁!玻璃 Q 粉卖相同一般面档的河粉一样, 谂住佢叫自己做「Q」粉, 口感会 QQ 的, 点知佢除0左完全唔 Q 之外, 仲碎湿湿又腍 bad bad 的, 食了一啖忍唔住暗骂: 「乜 _ 呀?」 Menu 上「一只辣椒」的香麻牛肉应该系冻食的, 但 serve 时温温吞吞的, 唔知想点. 牛肉浸0系一碟油入面, 铺满黑椒及芝麻粒, 唔香唔麻, 食落系好韧, 好臊, 好黑椒, 初头少少辣, 后期就辣到带点苦, 难吃.而温温吞吞的鸡串烧, 就仲难吃 -- 味道十足超市的现成品, 酱汁系半0者喱状 (!!!), 味道劲甜, 加埋 d 鸡肉, 成坛0野十分糊口, 食一啖即想 lur 返晒
一直同呢度无缘, 反而今日要赶头赶命食 dinner, 终于0黎了呢度试试佢的 Q 粉. 见下午茶时段仲未过, 食粉有一杯热饮送, 叫了碗「马来沙爹汤底」的「香麻牛肉．鸡串烧．玻璃 Q 粉」($30).
态度散漫的店员成碗粉 + 成碟香麻牛肉「车」埋0黎, 吓死人... 先呷啖所谓「马来沙爹汤底」, 完全唔系沙爹来的, 味道淡口, 饮落两啖舌头仲开始痕 -- 哦, 原来系扮沙爹的 MSG 汁!
玻璃 Q 粉卖相同一般面档的河粉一样, 谂住佢叫自己做「Q」粉, 口感会 QQ 的, 点知佢除0左完全唔 Q 之外, 仲碎湿湿又腍 bad bad 的, 食了一啖忍唔住暗骂: 「乜 _ 呀?」
Menu 上「一只辣椒」的香麻牛肉应该系冻食的, 但 serve 时温温吞吞的, 唔知想点. 牛肉浸0系一碟油入面, 铺满黑椒及芝麻粒, 唔香唔麻, 食落系好韧, 好臊, 好黑椒, 初头少少辣, 后期就辣到带点苦, 难吃.
而温温吞吞的鸡串烧, 就仲难吃 -- 味道十足超市的现成品, 酱汁系半0者喱状 (!!!), 味道劲甜, 加埋 d 鸡肉, 成坛0野十分糊口, 食一啖即想 lur 返晒出来.
送的热奶茶味道就好「大家乐」, 不过比起以上提及0个坛0野, 呢杯奶茶算系全餐最好的了. 真系呜呼哀哉!
环境系茶餐厅格局, 招呼就系「糖朝」式招呼 (唔明? 自己睇啦: http://www.openrice.com/restaurant/commentdetail.htm?commentid=170784), 加埋味道咁样, 会否再返转头? 你话呢???
都真系好耐无遇过咁差的食肆了.
张贴
