拾味山西刀削麵館

营业中

休息中

又心痒痒想食麻辣嘢，见到湾仔呢间刀削面都几多人，餐牌又有麻辣嘢，就决定入去医下肚。佢个餐牌都系分A,B,C餐咁俾你自由选择，配料有辣有唔辣，令人惊喜嘅系麻辣嘢嘅选择都几多下。拣咗两个𩠌，一个系菜肉云吞，另外一个就系麻辣手撕鸡。因为未食过，怕太辣会食唔到，所以有问可唔可以小辣，店员话可以麻辣分开上俾我，好贴心麻辣手撕鸡嘅份量比我想像中细，不过佢个麻辣真系唔错，麻香，辣又有后劲，好过瘾。菜肉云吞就比较普通，饺皮比较淋，入边嘅菜肉馅都冇乜特别，调味比较淡，下次我应该会试第二种𩠌刀削面质感好正，系比较厚切嘅刀削面，厨房系少少开放式，见到师傅拎住一旧面团，即削即煮，啲面感觉好新鲜口感系烟韧QQ，有啲人可能唔系太钟意，不过我个人系好钟意食有咬口嘅嘢至于个汤，会比较咸，可能因为刀削面比较粗同厚身，汤太淡啲面就会无味挂呢间餐厅我会encore，因为刀削面好食而我又想试多几款麻辣嘢。