古琴雅苑 (QRE Plaza)

营业中

休息中

一向都好钟意湾仔 QRE 里面嘅餐厅，钟意佢哋除咗装潢舒适之外，食物嘅质素亦有一定嘅保证，今日过开嚟呢头，又上嚟开饭。至尊拼盘，拣咗做紧暖冬窝心 promotion 嘅至尊拼盘，并盘一共有五款，相当抵食，醉鸡酒味够，鸡肉亦都相当嫩滑；烤麸味道不俗，如果甜味再提升多啲相信会更加出色；鸡丝粉皮个麻酱味道层次丰富，绝对令人有惊喜；我至爱嘅镇江淆肉表现出色，点埋个镇江醋食，认真无敌。北京填鸭半只，作为古琴雅苑嘅招牌菜，呢度个填鸭系师承北京「全聚德」，选用上乘北京填鸭，以传统挂炉烤制，师傅连肉一齐片埋出嚟，会比起坊间嘅特别多鸭肉，厚肉嘅口感更好，真正做到皮脆肉嫩，除咗一般嘅京葱青瓜片皮鸭酱之外，呢度仲有蜜瓜同秘制嘅蜂蜜黄梅酱做配菜，可以拼凑出多几种口味。金银炒鳝糊，鳝肉新鲜爽弹，芽菜同韭黄都炒得啱啱好，够哂爽身，配合埋经典上海嘅浓油赤酱，真系想嗌碗白饭爬下。小笼包，每一粒小笼包入面都充斥住大量汤汁，上枱时新鲜滚热辣，系要摊一阵先食到咁热，皮薄，馅更靓。高力豆沙香蕉，高力豆沙口感软熟，恰到好处嘅糖霜加埋香蕉内馅嘅甜味，为今晚画上一个圆满嘅句号。