影片
更多
2024-08-15
469 浏览
quarrybay返工，平时中午路过呢一间餐厅见到好多人，一直都好想试下。但系由于比较迟放饭，而且放午饭的时间又短，次次黎到都满座或者要排队，所以一直都试唔到。终于难得今日早少少收工，就约咗同事过嚟撑枱脚！.餐厅装修好Muji风，暗黄灯光加上开扬街景，座位宽阔好坐，几适合同朋友倾下计，享受下晚餐。.🍴Main：-🐥黄油鸡髀配鸡油香料饭Roasted Fresh Chicken Leg with Pilaf Rice-🐟时令刺身丼饭Seasonal Sashimi Donburi叫咗两份主食，一冻一热，两款都有惊喜。黄油鸡饭非常香，米粒干爽中带微微油润，鸡油渗透落米粒中，加上香料提味，好惹味，本来减肥少吃淀粉嘅我，都忍唔住食咗好多。（另外店员仲有细心咁帮我哋攞走啲香料，同捞匀个饭，等味道更加均匀，几贴心）时令刺身丼饭貌相精致，鲜甜海胆位于顶部，加上鱼油丰腴嘅鱼生几鲜甜鱼籽，好鲜甜。.Desserts:🥞幸圆原味梳乎厘班戟Koen Plain Soufflé Pancake原味蛋香浓郁，奶油绵密、空气感得黎不会太空气，带有少许口感，貌相味道都几有惊喜。搭配浓郁非常嘅Belgium Choc
.
餐厅装修好Muji风，暗黄灯光加上开扬街景，座位宽阔好坐，几适合同朋友倾下计，享受下晚餐。
.
🍴Main：
-🐥黄油鸡髀配鸡油香料饭
Roasted Fresh Chicken Leg with Pilaf Rice
-🐟时令刺身丼饭
Seasonal Sashimi Donburi
叫咗两份主食，一冻一热，两款都有惊喜。黄油鸡饭非常香，米粒干爽中带微微油润，鸡油渗透落米粒中，加上香料提味，好惹味，本来减肥少吃淀粉嘅我，都忍唔住食咗好多。（另外店员仲有细心咁帮我哋攞走啲香料，同捞匀个饭，等味道更加均匀，几贴心）时令刺身丼饭貌相精致，鲜甜海胆位于顶部，加上鱼油丰腴嘅鱼生几鲜甜鱼籽，好鲜甜。
.
Desserts:
🥞幸圆原味梳乎厘班戟
Koen Plain Soufflé Pancake
原味蛋香浓郁，奶油绵密、空气感得黎不会太空气，带有少许口感，貌相味道都几有惊喜。搭配浓郁非常嘅Belgium Chocolate好夹，入口好似令到pancake都多咗朱古力味咁。
🍵宇治金时芭菲
Uji Matcha Parfait
不得不说佢地甜品确实做得很不错，Pancake味道都已经好到位，但结果最得我欢心嘅却系呢一款芭菲。Cream口感轻盈，抹茶味不会太苦，加上糯口糯米小丸子、米通脆脆及红豆🫘，一层一层，由浅至深，整个味道平衡得很好。🥄搭配Kiwi Paradise，一酸一甜，个人觉得几夹。
～～～
幸圆
鲗鱼涌英皇道1001号1楼1-2号舖
张贴
