皇后飯店 (已結業)

当晚向又一城买左戏飞, 距离开场只有一个小时， 为左节省时间和准时到达cinema， 就向离cinema唔远地方开餐。  见到Queen Cafe 唔使点等位排队， 所以今次就同老公试下Queen Cafe。  入到去, 整个环境气氛都几好， 环境幽雅又静静地， Seat位够阔够大都几舒服.老公order 左两个set dinner, 牛柳餐和美国肉眼扒餐。  是日餐汤有红白两款，白汤系忌廉汤， 都十分重忌廉味， 里面有菇类作汤料。  但我比较喜欢罗宋汤， 汤料多，重蕃茄味道，酸酸尾尾中带有微微香辣， 非常开胃。美国肉眼扒餐和牛柳餐都系order左7成熟配薯菜。  美国肉眼扒烧到现格仔纹， 加上order 七成熟， 熟嫩程度刚好适中， 肉质柔软、 肉汁味道十分浓厚亦被锁住肉层内， 配特制黑椒汁，味道更上一层楼。牛柳餐既前菜有几款， 但我选择了薯蓉焗田螺， 田螺size适中又够弹牙; 而牛柳既肉质无肉眼咁柔软，带有嚼口， 配了洋葱汁， 整体都唔错。