B.Two House (已結業)

Bagel同rye bread系我最钟意既面包，贪佢地有咬口、口感实在，唔会好似食空气咁。前排揾左几间bagel shop bookmark晒逐间逐间试，知道依间既系两姊妹自己每日手制，好有心思，喺九龙湾番工既我今日专登黎食地铁站B出口行5分钟左右就到，餐厅喺工厂大厦一楼，估唔到成层楼都系食肆 我地三人行散叫两个bagel queen一个bagel king，可以选择跟餐，会有埋汤同饮品；bagel of the day好似系全麦bagel，每日只供应一款。Bagel Queen $58 - 超!多!馅! 有鸡扒、火腿、菠萝、番茄、青瓜、生菜、车打芝士酱同牛油果酱，要压实先勉强可以一啖食晒咁多样野 香口鸡扒、微咸火腿同bagel好夹，淡味啲既番茄、青瓜同生菜令成个combo感觉冇咁漏。我地都食得几狼狈，啲野系咁跌出黎，但系超级大满足 唯一败笔系牛油果酱冇乜牛油果味，可能要+$5 要牛油果切片先有想像中既效果。Bagel King $58 - 朋友嗌既，拎起bagel有厚厚一层cream cheese 其他馅有牛肉、火腿、番茄、青瓜、生菜、车打芝士酱同辣酱。朋友话辣酱牛肉同其他料唔系好夹