花園餐廳 (已搬遷) 新店位置

　　出差到观塘工作，幸好午膳时间第一时间外出，否则都好难揾位。　　好彩十二点半就行到入去，迟五分钟的话都要等位。一点三离开时候，等位嘅人条队由二楼排到落地下。　　呢日好勇咁去铁板餐，因为四年前开始，每次扒餐必然会胃痛，只系呢日抽起条筋想食而去冒险。　　好嘅系呢次竟然无事㖞！　　讲返呢一餐，叫咗个午餐推介，铁板西冷牛扒。一分钱一分货，都会预咗无晚餐咁好份量，不过估唔到系薄到好似 BBQ 嘅牛扒咁薄。Size 细咗一截。　　虽则如此，但系上枱时候铁皮就真系够晒火喉，掂到都唔知点算。而我要求七成熟都做到，可能因为块扒薄，比较容易控制啩。　　整体上不过不失。