Rang Mahal Authentic Indian Cuisine (已結業)

一入餐厅已经听到节奏好强既印度歌曲，而且店员都系印度人黎。一开始，我地叫左个烤羊排，初时以为系一大块果款，但原来似系羊架咁，一共三件。羊肉表面有一Ｄ腌料，令羊肉更加惹味。而且羊肉羊膻味唔会太强，食落感觉无咁燥热，唔太好羊既人都可以试下。而羊肉边缘位有少少脆口，羊中间肉都算是软绵有少少弹牙，口感算是特别的。羊肉看起上黎有少少干，加埋酱汁食就岩岩好。而羊肉脂肪好少，基本可以说是啖啖肉，近边位既羊肉味道更加浓郁，识食一定食呢到啦～跟住仲叫左印度啤酒，初时系叫喜力，但店员极力推介我地饮当地啤酒，仲话味道都近似。咁我地饮完觉得味道真系似，不过感觉唔够喜力咁解渴爽口，但都算系新体验。因为我地叫左玛沙拉烧鸡，所以叫多个烤饼点住黎食。而鸡件份量都几多，先讲讲佢既制法。菜单上写鸡件经泥炉炭火制法，即系用香料把鸡腌成红色，再用泥炉炭火整熟鸡件。然后再加入新鲜配料，例如蕃茄、青椒等等。怪不凡配料系新鲜爽口，但鸡件又保留原汁原味，同埋鲜嫩口滑。不过烤饼唔够松软，好彩点左玛沙拉烧鸡既酱汁食，酱汁带有少少辣同浓味，补充到烤饼既不足。