影片
更多
2015-02-08
651 浏览
过了几月，再次黎到太子始创中心既RBTea唯独不同的是这次有朋友相伴又系要等位，真心估唔到呢个位都可以有咁多客上黎用餐终于顺利入座，当然要快快手拎餐牌拣食物啦！翻了翻主餐牌，选择众多，由小食到主菜到甜品到饮品……一向选择困难，心大心细的我俩又再次难以下决定「喂！真系好肚饿啰！」「我够系啰！但都要拣想食既野架！」「唉，好烦！次次都系咁，唔知食咩好。」「咁点姐？」然后翻开另一个餐牌……咦！情人节套餐？甜蜜窝心情人节套餐包一份主食、一份小食、两杯饮品及一份班戟另外会附送两块马卡龙详细款式餐牌有列明，只可选指定款咁就啱啦！帮我地筛走好多款式，但又至于冇得拣，真心方便好多，仲唔使嘈！唔谂咁多，一于就食佢啦:^d店内采取半自助形式，即是点餐及付钱一次过亲自去收银处搞掂落单后仍然系有熟悉既兔子铁牌都系果句啦，真系细到有少许难睇清马卡龙就随落单时，顺带送出马卡龙礼品包装成一个透明小球，挂著可爱既心型纸牌上面写著'Be My Valentine'相信情侣收到如此精致既小礼品，心里应该比马卡龙本身更甜丝丝:^)一款系咖啡味，一款系莓果味，总有点角色定型既感觉xd马卡龙外壳酥脆不黏，干爽平滑，造工精细，完全
过了几月，再次黎到太子始创中心既RBTea
唯独不同的是这次有朋友相伴
又系要等位，真心估唔到呢个位都可以有咁多客上黎用餐
终于顺利入座，当然要快快手拎餐牌拣食物啦！
翻了翻主餐牌，选择众多，由小食到主菜到甜品到饮品……
一向选择困难，心大心细的我俩又再次难以下决定
「喂！真系好肚饿啰！」
「我够系啰！但都要拣想食既野架！」
「唉，好烦！次次都系咁，唔知食咩好。」
「咁点姐？」
然后翻开另一个餐牌……咦！情人节套餐？
甜蜜窝心情人节套餐包一份主食、一份小食、两杯饮品及一份班戟另外会附送两块马卡龙
详细款式餐牌有列明，只可选指定款
咁就啱啦！帮我地筛走好多款式，但又至于冇得拣，真心方便好多，仲唔使嘈！
唔谂咁多，一于就食佢啦:^d
店内采取半自助形式，即是点餐及付钱一次过亲自去收银处搞掂落单后仍然系有熟悉既兔子铁牌
都系果句啦，真系细到有少许难睇清
马卡龙就随落单时，顺带送出
马卡龙
43 浏览
0 赞好
0 留言
上面写著'Be My Valentine'
相信情侣收到如此精致既小礼品，心里应该比马卡龙本身更甜丝丝:^)
一款系咖啡味，一款系莓果味，总有点角色定型既感觉xd
马卡龙外壳酥脆不黏，干爽平滑，造工精细，完全唔系想像中既随随便便
贴住夹心既内层则是烟韧香甜，带有浓重既杏仁粉香气
咖啡味夹馅甜而不腻，占量亦适中
但咖啡香味主要集中系小圆饼部分，而味道系偏似即冲咖啡既带奶带糖既咖啡香
莓果味既夹馅则黏稠得多，比一般果酱更干身少水分
大概可称之为果膏，酸甜味浓，果香微微散发
够自然够清新，还有点莓果籽既脆感咬口，令其甜腻度大减
香浓忌廉蛤蜊意粉
26 浏览
0 赞好
0 留言
份量比想像中多，骤眼看去亦颇为足料大方
未食就已经闻到好浓郁既忌廉酱汁香气，卖相令人垂涎
蛤蜊每只都系开哂口，并非易烂易碎，离哂壳霉哂既货色
入口系想像之外既丰润带汁，没有苦涩不新鲜既味道
肉质稔身微弹，稍有嚼劲，热度均匀又无雪藏味
意粉还蛮弹牙爽口的，稔身但不淋烂，富有嚼劲
虽然我都唔期望会食到面香面甜，但煮得熟度还好，给他合格吧！
酱汁稠滑香口，带咸，沾得上贴得紧每条面条，十分够味
再者，幸好有少许黑椒及香草加持，味道亦不会过腻
香肠西兰花芝士薄脆
29 浏览
0 赞好
0 留言
听朋友讲呢度既薄脆系食得过既，因此我地舍翼取饼
呢度不得不说说，我地落单，上完食完主食之后，佢地竟然先送上甜品
其后我地追番单先有番呢份小食
俾到我既感觉系呢度既服务有点混乱，固然职员态度仍是可接受的
好啦我地就试下RBTea既薄脆小食！
由于烤焗过，外层干身带脆，食时更是有点点焦香惹味
配料食材里头还能保持少少湿润，唔会焗完干得参口（Y）
而头既芝士溶哂，选用的款式系唔系会牵丝既
不过烤得香脆，焦香逸然，加上芝士本有咸香，冇牵丝都系唔错既
饼底薄身够均匀，冇一边厚韧一边薄稔
我中意佢薄得黎唔会太湿稔，焗后全块都系又脆又够承托力
也许底膏都只系淡淡一抹，不太会吸收
呢个小食原本唔跟餐既价钱系$40左右，整体而言叫可以一试:^0
草莓花园班戟
43 浏览
2 赞好
0 留言
呢份班戟系情人节限定款式，先前既主食及小食都系恒常款式
心形外形切合主题，但实话实说卖相毫不讨好
尤像在家自制，煎数片松饼，叠起后随便抹上一大堆忌廉……
你可以叫佢手工风味，在我们看来就只是马虎粗糙
自细经常听到别人说不要以貌取人
而家个班戟睇落就麻麻啦，食落……唔知会唔会有惊喜呢？
忌廉部分绵密细滑，入口颇香又不太甜腻，是我可以接受既自家打发版本
士多啤梨味既味道似食熊仔饼夹心或是普通Pocky外层
不算自然但易入口，没有过份药水味
而热香饼饼松软湿润，像棉花糖般轻柔又带少许弹性，未至于散烂
虽是有点腻，但同时油香浓郁，且有微薄咸香
配上甜丝丝既忌廉，互补之下稍为减淡腻滞感
表面洒上紫粉红色脆糖，薄脆质感与厚绵松饼截然不同
加添层次，亦颇有玩味:^)
只系松饼呢家野，抵唔抵食就真系见人见智
要拣类似既我就宁要吐司或窝夫
另外美味与否，除左睇师傅功力，更视乎个人口味及要求
阅读任何评论或诠释时，请谨记那些只是作者或大众既感想，不一定系唯一准则
热珍珠奶茶
17 浏览
0 赞好
0 留言
热珍珠奶茶甫入座时见到隔离枱饮紧，睇落几得意几好玩咁，不禁点了一壶尝尝
上桌时奶茶及珍珠系分开既，珍珠先装入杯
本身珍珠味道唔算好浓，甜香度一般
但因为放凉少许，已经黏成一大团:^3
徐徐注入热奶茶，看著慢慢升起的一缕缕白烟，我已迫不及待要干了！
奶茶甜度适中，茶味不算突出
饮落同平时既珍珠奶茶没两样，只系佢奶香普普但偏稠偏滑
充满韧劲既珍珠此时则可帮忙化解甜腻感
热水果茶
19 浏览
0 赞好
0 留言
热水果茶果茶及水果粒都系分开上枱既
热水果茶香气瞬速从窄小的壶嘴窜出，水果果香加上一份甜，半份酸
水果茶落到杯子里头愈加猖狂，又是一下下的诱惑人心
呢度既水果茶味道偏甜，酸香只及一半
还好果香自然不人工，加上水果粒，果味更浓更深邃
酸甜交加既水果茶十分开胃，一路食一路饮仲好解腻添:^)
结果我地食完仲坐系度吹左轮水才肯动身
不过当时已经近九点，冇咩人等紧位，我地至会任意逗留
谈谈个人事及朋友事，再兜番黎饮食
两人都认为这里的服务效率还是要改善改善
张贴
