RBTea (已結業)

今日同朋友出尖东食饭，朋友试过RBTea 感觉唔错，所以就跟朋友来试下啦。晚市套餐小食 - 蕃茄清淡得来又开胃，小食来讲算唔错。粟米浓汤 - 粟米浓汤唔系好浓，但味道正常。照烧汁三文鱼意粉 - 原本以为照烧汁配三文鱼会好奇怪，但出奇地味道都唔错，酱汁唔会太咸，同意粉及配料的味道都好夹。照烧汁带子饭 - 茄子抢晒带子的风头，带子反而干左少少，但味道都算过得去。香煎香草肠配薯角 - 香草肠味道唔错，而且仲有新鲜西芹的配搭都几新鲜，如果西芹表面可以刨去D筋就更好啦。鲜蕃茄吉列猪扒饭 - 蕃茄汁虽然话系用鲜蕃茄，但唔够蕃茄味，有点太清淡。吉列猪扒的皮都较厚，幸好件数都唔少，感觉唔会太蚀。其实仲有个意式香草虾意粉唔记得影相，只可以讲味道都唔错，意粉相比饭会好食D。整体而言，食物味道正常，但分量略为偏少。好处系环境舒适，而且服务员态度都唔错，如果只系想有个地方食野倾计都系可以接受的选择。