高興 (已結業)

尼间餐厅改既名非常好，叫做“高兴” - Happiness，上星期平日放工去食饭，唔洗等位，餐厅简约装修，带点怀旧工业风，感觉舒适，食物价廉物美，又多选择，放工后轻松用餐，真的让人感到高兴。餐点已西式为主，有沙律、前菜、意粉、饭、汉堡、仲有日式咖哩饭同乌冬等，十分多选择。首先点左一个他他汁炸鱼Burger，份量够晒大，一大片炸鱼柳，外面金黄香脆，里面鱼肉保持嫩滑，而且一d都唔油，配合他他汁非常好味，底顶既汉堡包经过烤焗，口感大增，另附上脆炸薯条，配汉堡一流。点选汉堡可用半价优惠享用饮品，所以点左杯杂莓乳酪沙冰，味道酸酸甜甜，十分开胃。另外日式淡咖哩炸猪排饭，猪排厚薄适中，炸得金黄松化，而日式咖哩唔会偏辣，仲带点甜，味道非常好。而韩式鸡扒乌冬锅，份量够大，味道偏辣，铁锅上碟，能保持热度。食完主食后更系要食埋甜品，香蕉加朱古力雪糕pancake，两层厚厚既pancake，夹住香蕉同朱古力酱，而朱古力雪糕球溶入pancake，一冷一热好味道。整体餐厅价廉物美，食剩同环境有质素，绝对系放工轻松既好地方。最后离一个朱古力奶泡雪糕，可能都系点左朱古力味，所以口感同朱古力pancake有点相似。