Beerliner German Bar & Restaurant (朗豪坊) (已結業)

我同朋友因买左好多野， 求祈喺朗豪坊揾间唔驶等位既餐厅就坐低。因为系HH时段首先waitress安排我地坐两人座， 但我地四只手都拎住野睇都知坐唔落， 而且佢地又大把位后来先安排一张四人枱比我地。就系呢张四人枱位于水Bar隔离， 我地睇到waiter将一杯杯人家食剩既花生杂豆倒埋一杯比其他嚟HH既人客(图一水吧杯啤酒前面香槟杯就系嘞)。成晚都系咁做， 证明系佢地惯常做法。我真系唔知其他地方HH会唔会都系咁，不过你唔介意喺其他人客面前咁公开咁做又真系好赶客。所以我相信佢整体都唔会卫生得去边。但既然我地已经柯打左伏已中，就只好硬著头皮！ 猪手炸到硬到离谱，要企起身切。全部皮都无办法食(唔想甩牙)! 沙律上碟时亦乱七八糟， Starbucks 既沙律会好啲，仲平一大截添！ 我同朋友因为见到佢recycle人地食剩野呢一幕心中已经好不安，我地会认住，点都唔会中多次伏。